नेपाली चलचित्र क्षेत्रका द्वन्द्व निर्देशक हुन्– राजेन्द्र खड्गी । ६ सय हाराहारी चलचित्र कुनैमा द्वन्द्व निर्देशक त कुनैमा खलनायकको भूमिकामा देखिएका खड्गीसँग मेरो लाइफस्टाइलले गरेको रमाइलो कुराकानीः

बेलुकाको खाना कति बजे खानुहुन्छ ?

हिजोआज भोकै सुत्छु ।

कति बजे सुत्नु हुन्छ ?

८ बजेसम्म सुतिसक्छु ।

बेडमा जानुअघि के गर्नुहुन्छ ?

चिसो पानीले खुट्टा धुन्छु । त्यसपछि ओछ्यानमा पल्टेर मोवाइल चलाउँछु ।

सिरानी कता पार्नुहुन्छ ?

पश्चिमतिर सिरानी पर्छ । तर, वास्तुशास्त्र अनुसार मिलाएको भने होइन ।

के लगाएर सुत्नुहुन्छ ?

मेरो नाङगै सुत्ने बानी छ । नाङ्गै सुत्नु स्वास्थ्यका लागि पनि फाइदाजनक हुन्छ । त्यसैले, जाडो मौसममा पनि लुगा नलगाई सुत्छु ।

बेलुका रक्सी खाने बानी छ कि छैन ?

एक बिर्कोमै झ्याप हुन्छु । त्यसैले रक्सी कहिल्यै खाँदिनँ ।

सुत्नुअघि अन्तिम पटक के खानुहुन्छ ?

पानी खान्छु ।

सुत्नुअघि नियमित गर्ने काम के हो ?

सेक्स गर्छु । सेक्स नगरी निन्द्रै लाग्दैन ।

सपना देख्नु हुन्छ कि देख्नुहुन्न ?

देख्छु । प्रायः आफ्नै कामको बारेमा सपना देखिरहेको हुन्छु । धेरैपटक सुटिङ गरिरहेको सपना देखेको छु । सपनामै लात्तीले हानेर घरका धेरै पंखा ध्वस्त भइसके ।

निन्द्रा लागेन भने के गर्नुहुन्छ ?

निन्द्रा नलाग्दा बुढीसँग कुरा गरेर बस्छु । मोवाइल चलाउँछु ।

राती अकस्मात निन्द्रा खुलेमा के गर्नुहुन्छ ?

कहिलेकहिँ नराम्रो सपना देखें भने झसंग ब्युँझिन्छु । नत्र हत्तपत्त ब्युँझिन्न ।