यस वर्ष हिमाल आरोहणका लागि ५०५ जनाले लिए अनुमति
यस वर्ष नेपालका १८ वटा हिमाल आरोहण गर्नको लागि ५०५ जनाले अनुमति लिएका छन् ।
पर्यटन विभागका अनुसार यसवर्ष हालसम्म ६१ वटा समूहलाई हिमाल आरोहणको अनुमति दिइएको छ । ती समूहमा ३ सय ८९ पुरुष र १ सय १६ जना महिला गरी कुल ५ सय ५ जना रहेका छन् ।
यस वर्ष सबैभन्दा बढीले विश्वकै सबैभन्दा अग्लो शिखर सगरमाथा आरोहण गर्नको लागि अनुमति लिएका छन् । हालसम्म २३ समूहमा २ सय ४ जनाले सगरमाथा आरोहणको लागि अनुमति पाएका छन् । सगरमाथा आरोहणको लागि अनुमति पाउनेमा १ सय ५८ जना पुरुष र २ सय ४ जना महिला छन् ।
सगरमाथापछि दोस्रो ठूलो संख्या लोह्त्से हिमाल आरोहणको लागि अनुमति लिनेहरूको छ । लोत्से हिमाल आरोहण गर्न हालसम्म ५२ जनाले अनुमति लिएका छन् ।
विभागका अनुसार आमादब्लमको लागि ३९, अन्नपूर्ण फर्टको लागि २६, बरुन्त्सेको लागि १६, धौलागिरीको लागि २१, हिमलुङको लागि १६, कञ्चनजङ्गाको लागि ४६, मकालुको लागि १५, मनास्लुको लागि ९, नुप्त्सेको लागि २८ जनाले अनुमति पाएका छन् ।
यसवर्ष हिमाल आरोणको लागि अनुमति दिँदा हालसम्म २९ करोड ७४ लाख ३४ हजार ८ सय १ रुपैयाँ राजस्व उठेको विभागले जनाएको छ ।
यो पनि…
३ फिट ७ इन्चका २८ वर्षीय सागर भन्छन्, ‘रामदुङ चढें सगरमाथा चढ्दैछु’ (भिडियो सहित)
बाजेको सम्झनामा सगरमाथा चढ्दै तेन्जिङ
