निरन्तर ओरालोपछि सेयर बजारमा उल्लेख्य सुधार
साताको अन्तिम कारोबार दिन सेयर बजारमा सुधार आएको छ। निरन्तर पाँच कारोबार दिन ओरालो लागेको नेप्से आज साढे ३५ अंक बढेको हो।
बिहीबार नेप्से परिसूचक ३५.६६ अंक बढेर २४६४.३१ विन्दुमा पुगेको छ। त्यसैगरी, आज सेन्सेटिभ इण्डेक्स ८.१३ अंक बढेको छ भने फ्लोट इण्डेक्स २.३८ अंक र सेन्सेटिभ इण्डेक्स २.३७ अंक बढेको छ।
नेप्सेसँगै आज कारोबार रकममा पनि सुधार देखिएको छ। अघिल्लो कारोबार दिन करिब २ अर्बको कारोबार भएको बजारमा आज २२४ स्टकको ४२ हजार ५०६ पटकको कारोबारमा २ अर्ब १२ करोड १५ लाख ११ हजार रुपैयाँ बराबरको ५४ लाख ४४ हजार कित्ता शेयर खरिदबिक्री भएको छ।
यो पनि…
ओरालो लागेको अर्थतन्त्रप्रति सरकारको चासो
नेप्सेमा ठूलो पहिरो
