लिभरपुल र सिटीको उत्कृष्ट प्रदर्शन
लिभरपुलले च्याम्पियन्स लिग फुटबलको सेमिफाइनलमा पुग्ने सम्भावना बलियो बनाएको छ । अवे मैदानमा मंगलबार राति भएको क्वाटरफाइनलको पहिलो लेगमा लिभरपुलले बेन्फिकालाई ३-१ ले पराजित गरेको हो ।
लिभरपुलका लागि १७औं मिनेटमा इब्राहिम कोनाते, ३४औं मिनेटमा साडिओ माने र ८७औं मिनेटमा लुइस डियाजले गोल गरेका हुन् । बेन्फिकाका लागि ४९औं मिनेटमा डर्विन नुनेजले एक गोल फर्काए ।
मंगलबार राति नै भएको अर्को खेलमा एथ्लेटिको मड्रिडमाथि जित निकालेर म्यानचेस्टर सिटीले सेमिफाइनल प्रवेशको सम्भावना बढाएको छ ।
घरेलु मैदानमा भएको खेलमा म्यानचेस्टर सिटीले एथ्लेटिको मड्रिडलाई १-० ले पराजित गरेको हो । सिटीका लागि ७०औं मिनेटमा केविन डी ब्रूयनाले गोल गरेका हुन् ।
यो पनि…
ा
ाा
