कुकुरले फेला पार्यो मानव खप्पर
खोटाङको दिप्रुङ चुईचुम्मा गाउँपालिका-६ छितापोखरीमा मानव खप्परको कंकाल फेला परेको छ । साविकको छितापोखरी–१ दिहुँमा कुकुरले बाटोमा ल्याएको अवस्थामा खप्परको कंकाल फेला परेको वडाध्यक्ष मिलन राईले बताए ।
सोमबार बिहान विद्यालय जानेक्रममा स्थानीय शिक्षक सुरेश तामाङले मानव खप्परको कंकाल भेटेर प्रहरीलाई खबर गरेका थिए ।
दिहुँबाट डाँडाखर्क जाने बाटोमा भेटिएको खप्परको कंकाल कसको हो भन्ने खुल्न बाँकी रहेको जिल्ला प्रहरी कार्यालय खोटाङका सूचना अधिकारी प्रहरी निरीक्षक सागर शाहले बताए ।
मानव खप्पर फेला परेपछि प्रहरीचौकी छितापोखरी र इलाका प्रहरी कार्यालय खोटाङबजारबाट प्रहरी निरीक्षकको कमाण्डमा खटिएको प्रहरीको टोलीले कानुनी प्रकृया पूरा गरेर पोष्टमार्टमका लागि जिल्ला अस्पताल लगिँदैछ ।
घटनाको विषयमा थप अनुसन्धान भइरहेको प्रहरी निरीक्षक शाहले बताए ।सांकेतिक तस्बिर
यो पनि…
पृथ्वीमा भेटियो ४ हजार वर्ष पुरानो भूतको सहर
विश्वभर एलियन जहाजको चर्चा
यी दुई धनाढ्य, जसले किनिदिए पूरै देश
