पेट्रोलियम व्यवसायीले गरे आन्दोलन स्थगन

पेट्रोलियम व्यवसायीले आन्दोलनका कार्यक्रम स्थगन गरेका छन् । गत चैत ६ गतेदेखि ग्यासको पिडिओ खरिद बन्द गर्नेदेखि इन्धन लोडअनलोड बन्द गरेका व्यवसायीले नेपाल आयल निगमसँग शनिबार ४ बुँदे सहमति गर्दै आन्दोलन स्थगन गरेका हुन् ।

निगमका प्रवक्ता बिनितमणि उपाध्यायको भनाइमा पेट्रोलियम बिक्रेता कमिसन र ढुवानी भाडा समायोजनसम्बन्धी मागको हकमा ७ दिनभित्र र इन्धनको कारोबारसम्बन्धी मागको सम्बन्धमा जेठ १५ सम्मको सक्नेगरी सहमति भयो । समहतिसँगै विरोधका कार्यक्रम आजकै मितिबाट स्थगन गरी इन्धन कारोबार यथावत् राख्ने निर्णय भयो ।

बाह्य तथा आन्तरिक ढुवानी साधनको भाडामा डिजेलको मूल्य अनुपातमा घटबढ हुने गरी स्वचालित भाडा कायम गर्न माग गर्दै एलपी ग्यास उद्योग संघ, पेट्रोलियम डिलर्स एशोसिएशन र पेट्रोलियम ढुवानी व्यवसायी आन्दोलनमा उत्रिएका थिए ।

यातायात क्षेत्रमा जसरी इन्धन ढुवानीमा समेत वैज्ञानिक भाडा लागू गर्नुपर्ने भन्दै एलपी ग्यास तथा पेट्रोलियम पदार्थको कारोबार गर्ने व्यवसायीले राष्ट्रिय पेट्रोलियम व्यवसाय संस्थागत समन्वय समिति बनाएर आन्दोलन गरिरहेका थिए ।

सहमति पत्र

यो पनि…
कमिसन कटौतीपछि पेट्रोल पम्पहरूमा नाकाबन्दी
तरकारीमा परनिर्भरता चुलिँदै [तथ्यांकसहित]