कमिसन कटौतीपछि पेट्रोल पम्पहरूमा नाकाबन्दी
पेट्रोलियम पदार्थको बिक्रीबापतको कमिसनको रकम नपाएको भन्दै नेपाल आयल निगम अमलेखगञ्जका ढुवानी व्यवसायीले शुक्रबारदेखि पेट्रोलियम पदार्थ ढुवानी ठप्प पारेका छन् । पेट्रोलको ढुवानी ठप्प हुँदा तीनवटा प्रदेशका उपभोक्ता प्रभावित बनेका छन् ।
नेपाल आयल निगमले यसअघि डिलरहरूले खाइपाई आएको कमिसन कटौती गरेपछि आन्दोलित भएका ग्यास डिलरहरूले पूर्ववत् अवस्थामा कमिसनको व्यवस्था नभए अनिश्चितकालका लागि पेट्रोलियम पदार्थको बिक्री वितरण रोक्ने चेतावनी दिएका छन् ।
पछिल्लो समय लगातारको मूल्यवृद्धिका कारण निगमले पेट्रोलियम पदार्थमा दिँदै आएको कमिसन फागुन १९ गतेदेखि कटौती गरेको छ ।
पेट्रोलियम पदार्थ ढुवानी ठप्प पारेसँगै काठमाडौंका धेरै पेट्रोल पम्पहरू बन्द छन् भने खुलेका पम्पहरुमा शुक्रबार साँझदेखि लाइन देखिएको छ ।
यो पनि
सार्वजनिक यातायातको भाडा वृद्धि
सरकारलाई निगमको पत्र : दुई दिन बिदा गराैँ, कर घटाऔँ
