विश्वका १० खुशी राष्ट्रहरू



जिन्दगीमा जो कोही पनि खुशी हुन चाहन्छन् । विकसित मूलुकहरूका सेवा, सुविधा, आय र लाइफस्टाइलका आधारमा जनजीवन र राष्ट्रको खुशीको स्तर मापन गरिन्छ । विश्वका खुशी राष्ट्रहरूमा प्रायजसो युरोपियन राष्ट्रहरू नै पर्ने गरेका छन् । वर्ल्ड ह्यापीनेस रिपोर्टका अनुसार शीर्ष १० मा पर्न सफल राष्ट्रहरू यस प्रकार छन् ।

१०. अस्ट्रिया

उच्च आमदानी, उत्कृष्ट सामाजिक सेवा, प्रिमियम लाइफस्टाइल र स्वतन्त्रताका कारण अष्ट्रिया विश्वको खुसी सहरमध्ये एक मानिन्छ । अस्ट्रियाको राजधानी भियना पनि विश्वकै सबैभन्दा बसोबासयोग्य सहर रहँदै आएको कारण पनि यो राष्ट्र यो सूचीमा पर्न सफल भएको छ ।

९. न्युजिल्याण्ड

गुणस्तरीय जीवन र कार्य जीवन स्तरमा उचित सन्तुलन कायम गर्दै आएको न्युजिल्याण्ड पनि यस सूचीमा परेको एक मात्र गैरयुरोपियन राष्ट्र हो । प्रधानमन्त्री जेसिन्डा आरड्रेनलाई गत वर्ष महामारी सम्हालेर र अनगिन्ती देशवासीको जीवन रक्षा गर्दै अन्य राष्ट्रहरूभन्दा छिटो समुदाय खुल्ला गर्ने कदमका लागि श्रेय दिइएको थियो ।

८. नर्वे

२०१७ मा उच्च स्थानमा पर्न सफल नर्वे केही वर्ष यता ओरालो लाग्ने क्रममा छ । यद्यपी जीवनस्तर मूल्याङ्कनको आधारमा नर्वेबासीको थोरै मात्र गुनासो सुनिन्छ । प्राकृतिक सम्पदाको जिम्मेवार व्यवस्थापनमा आधारित समृद्ध अर्थ व्यवस्था र विश्वकै उच्च सामाजिक सुरक्षा प्रणाली, पूज्य वातावरण तथा श्रेष्ठ प्राकृतिक सुन्दरता रहेको यस राष्ट्रबासीले सुरक्षित र खुशी महशुस गर्नु आश्चर्यको कुरा होइन ।

७. जर्मनी

जर्मनीले पनि एक वर्षमै १० फड्को मारेको १० खुशी राष्ट्रको सूचीमा पर्न सफल भएको छ । यसो हुनुमा बढ्दो जीवनस्तर मूल्याङ्कन, बृहत वित्तिय सुरक्षा र पारिवारिक स्थिरता नै मुख्य कारणहरू रहेका छन् । पछिल्लो समय हेर्ने हो भने देशले सहजतापूर्वक महामारी सम्हालेको कुरालाई पनि राष्ट्र खुशी हुनुको एक उदाहरणको रूपमा मान्न सकिन्छ ।

६. स्वीडेन

पछिल्ला र्‍यांक भन्दा केही तल झरे पनि स्वीडेन अझै पनि विश्वकै उत्कृष्ट बसोबासयोग्य, कार्ययोग्य र परिवार हुर्काउन योग्य राष्ट्रको रूपमा कायमै छ । उच्च सम्मानित शिक्षा प्रणाली, उदार अभिभावक विदा र निःशुल्क बालबच्चा हेरचाह जस्ता विश्व अग्रणी अभ्यासहरूकै कारण पनि स्वीडेन विश्वकै खुशी राष्ट्रहरू मध्येको एक हो ।

५ नेदरल्याण्ड्स

पछिल्ला समय छैटौँ स्थानमा रहँदै आएको यस राष्ट्र यस वर्ष एक खुड्किला माथि उक्लेको छ । यसबाट यो प्रष्ट हुन्छ कि यहाँका बासिन्दाको जीवन पहिलेको भन्दा पनि खुशीमय बनेको छ । पछिल्लो दशकमा युनिसेफ, डच तथ्याङ्क कार्यालय र विश्व स्वास्थ्य संगठनले तयार पारेको प्रतिवेदनहरूका अनुसार यहाँका किशोरहरूको जीवनस्तरमा लगातार उच्च सन्तुष्टि देखिएको थियो ।

४. स्विटजरल्याण्ड

स्विटजरल्याण्डको सरकारी प्रणाली युरोपको लागि विसंगति मानिन्छ । कारण, स्विसहरू राजनीतिक रूपमा चतुर मानिन्छन्, जो लोकतान्त्रिक सहभागिताहरूमा अत्याधिक संलग्नता जनाउँछन् । लोकतान्त्रिक सहभागिताको आधारमा राष्ट्र सञ्चालन गर्नुले नै जनताको खुशीको स्तरसँग सहसम्बद्ध भएको हो । साथै स्विटजरल्याण्डको काल्पनिक जस्तो देखिने परिदृश्यले पनि उत्तिकै भूमिका खेलेको छ ।

३. डेनमार्क

पछिल्लो केही वर्ष यता उत्कृष्ट सूचीमा परेको यस राष्ट्रको लाइफस्टाइलको विश्वभर नै प्रशंसा गरिन्छ । साइकलमैत्री राष्ट्र डेनमार्कले वातावरणका लागि आदर त व्यक्त गरेको छ नै, साथै उचित पारिश्रमिक, सन्तुलित कार्यजीवन र उत्कृष्ट सामाजिक सुरक्षा प्रणाली प्रदान गर्दै जनताको खुशीको स्तरलाई पनि कायम नै राखेको छ ।

२. आइसल्याण्ड

समुदायको भाव, समानता र समावेशीकरण, पारदर्शिता र न्याय, कम अपराध स्तर, सुन्दर प्रकृति, स्वास्थ्य, गुणस्तरीय शिक्षा र उत्तरदायी सरकार भएकै कारण आइसल्याण्ड विश्वकै दोस्रो खुशी राष्ट्र कहलिन सफल भएको हो । कुनै पनि समयमा ज्वालामुखीहरू बिस्फोट हुन सक्ने सानो राष्ट्र आइसल्याण्डका ३ लाख ५० हजार बासिन्दाहरू खुसी छन् । कारण, सहयोगी मनका धनी उनीहरू कष्टकर क्षणहरूमा कसरी सँगै सहकार्य गर्ने भनेर जानेका छन् ।

१. फिनल्याण्ड

फिनल्याण्ड विश्वकै खुशी राष्ट्रहरू मध्येको अग्रपङ्तिमा पर्न सफल भएको छ । उच्च आम्दानी, उच्चस्तरीय शिक्षा प्रणाली, निर्धक्क सरकार, पारदर्शिता र न्याय, कम अपराध स्तर, घरबारबिहिनको न्यून स्तर, लैङ्गिक समानतामा उच्च महत्व जस्ता कारकहरूकै कारण यो स्थान फिनल्याण्डले पाएको हो । यो राष्ट्र एक यस्तो विकसित राष्ट्र हो, जहाँ बालबालिकाहरूलाई आमाले भन्दा बुबाले बढी समय दिने गरेका छन् ।



Leave a Reply

Your email address will not be published.

सम्बन्धित खबरहरु

हाम्रो शरीरको ६० प्रतिशतभन्दा बढी भाग पानीले बनेको हुन्छ । पानी बिना जीवन छैन। शरीरमा पर्याप्त मात्रामा पानी भएको कारणले

आज हामी तपाईँलाई एउटा यस्तो अदालतको बारेमा बताउन गइरहेका छौँ, जहाँ मानिस होइन भूतलाई सजाय हुन्छ । तपाईँले संसारका यस्ता

लगातार चार कारोबार दिन घटेपनि बुधबार सेयर बजार ४.९७ अंकले बढेको छ। आज नेप्से परिसूचक ४.९७ प्रतिशतले बढेर २११६.६५ बिन्दुमा

नङको सौन्दर्य बढाउन महिलाहरूले विभिन्न प्रकारका नेल पेन्टको प्रयोग गर्छन् । यसले हातको सौन्दर्य मात्र बढाउँदैन, तपाईँको समग्र लुक सुधार्न

Suggested