ग्रिक दार्शनिक सुकरातका महान् भनाइहरू
इसा पूर्व ४७० मा जन्मिएका सुकरात प्राचीन दर्शनशास्त्रका एक विद्वान मानिन्छन् । उनले ७१ वर्षको उमेरमा पश्चिमा दर्शनलाई उचाइमा पुर्याउन महत्त्वपूर्ण भूमिका खेलेका थिए ।
गरिब परिवारमा जन्मिएका सुकरातले दार्शनिक उपदेश दिन थालेपछि युवालाई बिगार्ने, देव निन्दा गर्ने र नास्तिक भएको झूटो आरोप लगाएर विष सेवन गराएर हत्या गरिएको थियो ।
ग्रिकको एथेन्सका दार्शनिक सुकरात एक प्रभावशाली व्यक्तित्व हुन् । उनका विचार हरू अझै पनि धेरैलाई आदर्श र प्रेरणादायी रूपमा रहेका छन् ।
१. हाम्रा प्रार्थनाहरू सामान्यतया आशिषका लागि मात्रै हुनुपर्छ । किनभने हाम्रो लागि के कुराको आवश्यकता छ, भन्ने कुरा भगवानलाई राम्ररी थाहा छ ।
२. म कसैलाई केही पनि सिकाउन सक्दिन । म केवल उनीहरूलाई सोच्नेसम्म बनाउन सक्छु ।
३. जो आफूसँग भएको कुरामा सन्तुष्ट हुँदैन, ऊ आफूसित भए हुन्थ्यो भनेर सोचेको कुराबाट पनि सन्तुष्ट हुन सक्दैन ।
४. मित्रता बरु ढिला गर्नुहोस् तर गरेपछि कहिल्यै नटुट्ने गरी गर्नुहोस् ।
५. जहाँ श्रद्धा हुन्छ त्यहाँ डर हुन्छ, तर कतिपय ठाउँमा श्रद्धा नहुँदा पनि डर निम्तिन्छ । किनकि डरको घेरा श्रद्धा भन्दा फराकिलो हुन्छ ।
६. झूट आफैमा खराब हुँदैन, त्यसले मान्छेको आत्मालाई पनि खराब बनाउँछ ।
७. आलस्यमा जीवन जिउनुभन्दा आत्महत्या गर्नु ठिक हो ।
८. बाँच्नु मात्रले अर्थ राख्दैन, तर सच्चाइका साथ बाँच्नुले धेरै अर्थ राख्दछ ।
९. अरूको असफलताको कथाबाट तपाईँ सही बाटो पत्ता लगाउने कोसिस गर्नुहोस् । किनकि अरूको कडा मेहनतले जानेको सही र गलत मार्ग तपाईँले सहजै पत्ता लगाउन सक्नुहुनेछ ।
१०. सबैभन्दा न्यानो प्रेमको सबैभन्दा चिसो अन्त हुन्छ ।
