पूर्वराजा ज्ञानेन्द्र शाह भारत जाँदै
पूर्वराजा ज्ञानेन्द्र शाह भारत जाने भएका छन् । यहि चैत २६ गते शुरु हुने कुम्भ मेलाको उद्घाटनका लागि निमन्त्रणा आएपछि उनी भारतको हरिद्वार जान लागेका हुन् । शाहसँगै उनकी श्रीमती कोमल राज्यलक्ष्मी देवी शाह पनि जाने भएकी हुन् ।
भारतको हरिद्वारमा सञ्चालित महाकुम्भ मेला २०२१ महासमितिद्वारा गरिएको विशेष आमन्त्रणामा उनी हरिद्वार जान लागेका हुन् । शाह आउँदो चैत्र २६ गते हरिद्वार जाने र कुम्भमेलाको उद्घाटन गर्ने कार्यक्रम रहेको बुझिएको छ ।
