गौतम बुद्धका १० प्रेरक भनाइहरू
अन्तिम सत्यको साक्षात्कार गरेका महामानव गौतम बुद्ध (सिद्धार्थ गौतम) बैशाख शुक्ल पूर्णिमाको दिन नेपालको रूपन्देही जिल्लाको लुम्बिनीमा जन्मेका थिए । जीवनकालको पहिलो २९ वर्ष राजसी सुखमा बिताएका उनी संसारमा व्याप्त दुःखका कारण र त्यसको निवारण के होला ? भनि सदा चिन्तित रहन्थे । यही दुःख निवारणको सत्यमार्ग पत्ता लगाउने उद्देश्यले २९ वर्षको उमेरमा गृहत्याग गरी तपस्याको क्रममा बोधिप्राप्त गरे । तत्पश्चात उनी गौतम बुद्ध कहलिए ।
आफूलाई प्राप्त महाज्ञान बाँड्न रातदिन लागिपरेका गौतम बुद्धका मार्ग र विचारहरू यस प्रकार छन् ।
१. स्वास्थ्य सबैभन्दा महान् उपहार हो, संतोष सबैभन्दा ठूलो धन र विश्वसनीयता सबैभन्दा उत्तम सम्बन्ध हो ।
२. वितेको समय र आउने समयको चिन्ता नगर, वर्तमान क्षणमाथि नै मनलाई एकाग्र गर ।
३. हजारौ युद्धहरू जित्नुभन्दा महत्वपूर्ण कुरा हो, आफैँलाई चिन्नु । यही नै तिम्रो विजय हो ।
४. हाम्रो मस्तिष्कनै सबैथोक हो । हामी जे सोच्दछौँ त्यही बन्दछौँ ।
५. त्यही व्यक्ति धार्मिक हो जसले अर्काको निम्ती त्याग गर्न सक्छ ।
६. जिब्रो एउटा त्यस्तो छुरी हो जसले खुन ननिकाली काट्न सक्छ ।
७. एउटा पूरै गाग्री थोपा थोपा पानीले भरिने हो ।
८. जो मानिस दोश्रोको इर्ष्या गर्दछ, उसको मनमा कहिल्यै शान्ती मिल्दैन ।
९. आफ्नै तर्क र विवेकले स्विकार नगरेसम्म पढेको वा सुनेको कुरामा विश्वास नगर ।
१०. यदी आफैलाई सच्चा प्रेम गर्दछौ भने तिमीले अरूलाई पीडा दिन सक्दैनौ ।
