मिश्रमा शनिवार ‘ममि’ को शाही जुलुस



प्राचीन मिश्रका २२ राजारानीको ममि (विशेष रुपमा संरक्षित शव) लाई शनिवार राजधानी काहिरामा शाही परेड निकालिने भएको छ । यी सबै शवलाई पुरानो संग्रहालयबाट निकालेर नयाँमा लान आँटिएको हो । जसका कारण नै जुलुसको व्यवस्था गरिएको हो । नयाँ संग्रहालयलाई १८ अप्रिलदेखि पूर्ण रुपमा आम मानिसका लागि खोलिनेछ ।

यस भन्दा पहिला ममिलाई आम जनताका अगाडि परेडको रुपमा प्रदर्शित गरिनेछ । यसमा १८ राजा र ४ रानीहरुको अवशेष रहेको छ । सबै ममिलाई सुनौलो रङको वाहनमा राखिनेछ । यसमा राजा रानीहरुको नाम र पद लेखिनेछ । यो करिव ४० मिनेटको यात्रा हुनेछ ।

यसबेला सडकमा ममिलाई केही समस्या नआओस् भन्ने हेतुले क्यारिएजमा शक एब्जर्भर पनि लगाइएको छ । काहिरामा इजिप्टोलोजीका प्रोफेसर र ममि बनाउने विशेषज्ञ सलीमा इकराम भन्छिन्, ‘ममिलाई पहिला केहि राम्रा सन्दूकमा राखिनेछ, किनभने तापक्रम र नमीको नियन्त्रणको व्यवस्था भएपछि यो लामो समयसम्म सुरक्षित राख्न सकिन्छ । पुरानो संग्रहालयमा यस्तो व्यवस्था थिएन ।’

परेडमा ममिहरुको सीनियरिटीको ध्यान राखिनेछ

ममिहरुको परेड वरियताको आधारमा निकालिनेछ । अर्थात् सबैभन्दा पुराना राजा रानीको ममि सबैभन्दा पहिला राखिनेछ । त्यसपछि अन्यको ममि रहनेछ । सबैभन्दा पहिला ताओ द्वितीय बे्रवको ममि रहनेछ । उनले करिव १६०० ईसापूर्व दक्षिण मिश्रमा शासन गरेका थिए ।

त्यस्तै १२ औँ शताब्दी ईशापूर्वमा शासन गर्ने रामसे आईएक्सको ममि सबैभन्दा पछि रहनेछ । यो बेलामा कडा सुरक्षा व्यवस्था रहनेछ । यसबेलामा मिश्रका कलाकारले संगीत धुनको प्रदर्शन गर्नेछन् । पूरा आयोजना राष्ट्रिय टेलिभिजनले प्रत्यक्ष प्रसारण गर्नेछ ।



Leave a Reply

Your email address will not be published.

सम्बन्धित खबरहरु

उत्तम कुँवर स्मारक पुरस्कार गुठीले २०७८को उत्तमशान्ति पुरस्कार एक शताब्दी लामो इतिहासको आँखीझ्यालका रूपमा प्रेरणादायी रहेको गिरिश गिरीद्वारा लिखित ‘सत्यमोहन’

बिहिबार साझ काठमाडौंस्थित बिग मूविजमा चलचित्र ‘कबड्डी ४’ को प्रिमियर शो मा धेरै पछि कलाकारहरुको जमघट देखियो । निर्देशक रामबाबु

नेपालमा स्थानीय वायु, भारतको विहारको आसपास रहेको न्यून चापीय रेखा र पश्चिमी वायुको प्रभाव रहेको छ। पहाडी भूभागमा आंशिकदेखि सामान्य

स्वामी विवेकानन्द सांस्कृतिक केन्द्र, काठमाडौं र राष्ट्रिय साहित्य प्रतिष्ठानको संयुक्त आयोजनामा भारतीय कवि नरेश शांण्डिल्यको स्वागत सम्मान तथा नेपाल–भारत कविता

Suggested