बलिउड : रजनीकान्तले फिल्मको सर्वोच्च पुरस्कार पाउने
दक्षिण भारतका सुपरस्टार रजनीकान्तलाई दादा साहेब फाल्के अवार्ड २०१९ बाट सम्मान गरिने भएको छ । बिहीवार केन्द्रीय सूचना र प्रसारण मन्त्री प्रकाश जावडेकरले यसको घोषणा गरेका भारतीय सञ्चारमाध्यमहरुले बताएका छन् ।
अभिनेतालाई फिल्म इण्डस्ट्रीमा पुर्याएको योगदानका लागि यो अवार्ड दिन लागिएको हो । उनलाई ५१ औँ दादा साहब फाल्के अवार्ड ३ मेमा दिइनेछ । उनलाई भारतीय प्रधानमन्त्री नरेन्द्र मोदीले सोसल मिडियाबाट शुभकामना दिएका छन् ।
रजनीकान्तको राजनीतिमा आउने सपना भने अधुरो भएको छ । उनले जम्मा २६ दिनको राजनीति गरेका छन् । ७० वर्षका उनले ३ डिसेम्बरमा नयाँ पार्टी बनाउने घोषणा गरेका थिए । उनको बास्तविक नाम शिवाजी राव गायकवाड हो ।
