सस्ता १० मोटरसाइकल



मोटरसाइकल अहिले आममानिसको लाइफस्टाइल भइसकेको छ । बजारमा मोटरसाइकलका थुप्रै कम्पनी छन् । तिनका विभिन्न मोडलहरू छन्, विभिन्न मूल्य क्षेत्र पनि । हाल नेपालमा अत्याधुनिक फिचर भएका, आकर्षक र युवावर्ग लक्षित मोटरलाइकलको मूल्य क्षेत्र हेर्ने हो भने करीब ४ लाखभन्दा माथि नै पर्छ । तर, मुख्य आकर्षणमा र बढी बिक्री हुने गरेका भने मिड रेन्ज अर्थात् २ देखि ३ लाख सम्मको नै हो ।

बजारमा यस्ता मोटरसाइकल पनि छन्, जसको मोल २ लाख भन्दा पनि कम छ । अझ यी मोटरसाइकलको मुख्य आकर्षण भनेको माइलेज नै हो । त्यस्तै राम्रो पर्फमेन्स सहितको अत्याधिक माइलेज दिने, टिकाउ र २ लाख भन्दा कम मूल्यका केही लोकप्रिय मोटरसाइकल यस प्रकार छन् ।

टिभिएस रेडिअन ११०

भारतको चेन्नाइमा रहेको टिभिएस मोटर कम्पनी लिमिटेड भारतकै दोस्रो विशाल दुई पाङ्ग्रे निर्यातकर्ता हो, जसले ६० भन्दा बढी देशहरूमा मोटरसाइकल निर्यात गर्छ । नेपालमा भने आधिकारिक बिक्रेता जगदम्बा मोटर्सले टिभिएस कम्पनीका १ लाख ६२ हजारदेखि ८ लाख सम्मका मोटरसाइकल बिक्री गर्दै आएको छ । १ लाख ८७ हजार पर्ने टिभिएस रेडिअन ११० नेपालमा लोकप्रिय भएको मोटरसाइकल हो ।

रेडिअन ११० को स्टाइलिस रेट्रो लुक्स, माइलेज र पर्फमेन्सकै कारण लोकप्रिय भएको इन्फिनिटी टू ह्वीलर्स सोरुमका मार्केटिङ म्यानेजर सायन जङ्ग कार्की बताउँछन् । उनका अनुसार १ सय १० सीसीको १० लिटर पेट्रोल क्षमता भएको यस मोटरसाइकलले प्रति लिटर करीब ७३ किलोमिटर माइलेज दिन्छ ।

टिभिएस स्ट्राइकर १२५

आधिकारिक बिक्रेता जगदम्बा मोटर्सकै टिभिएस स्ट्राइकर १२५ पनि नेपाली बजारमा उत्तिकै लोकप्रिय छ । यसको मूल्य नेपाली बजारमा २ लाख ४ हजार ९ सय रुपैयाँ तोकिएको छ । १२ लिटर पेट्रोल क्षमता भएको यस मोटरसाइकलले प्रति लिटर करीब ६५ किलोमिटर माइलेज दिन्छ ।

हिरो एचएफ डिलक्स

भारतीय बहुराष्ट्रिय मोटरसाइकल कम्पनी हिरो मोटरकर्प लिमिटेड विश्वकै विशाल दुई पाङ्ग्रे उत्पादक हो । नेपाल जेनेरल मार्केटिङ प्रालिले नेपाली बजारमा हिरोका १ लाख ६७ हजारदेखि ३ लाख ९१ हजार सम्मका मोटरसाइकल बिक्री गर्दै आएको छ । जसमध्ये हिरो एचएफ डिलक्स पनि एक हो ।

हिरो एचएफ डिलक्स हिरोको सस्तो प्रोडक्टमध्ये एक हो । यो मोटरसाइकलको मुल्य नेपाली बजारमा १ लाख ६७ हजार तोकिएको छ । १० लिटर पेट्रोल ट्याङ्क क्षमता भएको यस मोटरसाइकलले प्रतिलिटर करीब ६५ किलोमिटर माइलेज दिने बताइएको छ ।

हिरो स्प्लेन्डर प्लस

हिरो स्प्लेन्डर प्लसको नेपाली बजारमा १ लाख ७८ हजार रुपैयाँ मोल तोकिएको छ । यस मोटरसाइकलमा सेल्फ स्टार्ट र डिजिटल सीडीआई प्रविधि पनि रहेको छ । साथै ११ लिटर पेट्रोल ट्याङ्क क्षमता भएको यस मोटरसाइकलले प्रति लिटर करीब ७० किलोमिटर माइलेज दिने बताइएको छ ।

हिरो आइस्मार्ट ११०

हिरो आइस्मार्ट ११० को मुल्य नेपाली बजारमा १ लाख ८३ हजार ५ सय तोकिएको छ । यस मोटरसाइकलको अगाडिको टायरमा १ सय ३० एमएम र पछाडिको टायरमा १ सय १० एमएमको ड्रम ब्रेक रहेको छ । साथै ८.५ लिटर पेट्रोल ट्याङ्क क्षमता भएको यस मोटरसाइकलले प्रति लिटर करीब ९२ किलोमिटर माइलेज दिने बताइएको छ ।

सुजुकी हयाते

२३ वटा देशमा उत्पादन केन्द्र, १ सय ९२ देशका लागि १ सय ३३ वितरकहरू रहेको जापानी बहुराष्ट्रिय कम्पनी सुजुकीको नेपालमा भने भिजी सुजुकी आधिकारिक बिक्रेताको रूपमा रहेको छ । भिजी सुजुकीले नेपालमा १ लाख ८४ हजारदेखि ३६ लाख सम्मका मोटरसाइकल बिक्री गर्दै आएको छ । जसमध्ये सुजुकी हयाते नेपाली बजारमा सस्तो र लोकप्रिय मोटरसाइकल हो । १० लिटर पेट्रोल ट्याङ्क क्षमता भएको सुजुकी हयाते मोटरसाइकलले प्रति लिटर करीब ६० किलोमिटर माइलेज दिने बताइएको छ । यद्यपी यो मोटरसाइकल हाल नेपाली बजारमा उपलब्ध छैन । नयाँ वर्षपछि पुनः उपलब्ध हुने बसुन्धाराको भिजी सुजुकी सोरुमका प्रतिनिधि बताउँछन् ।

बजाज प्लाटिना

भारतीय बहुराष्ट्रिय कम्पनी बजाज भारतीय मुलको विश्वकै तेस्रो विशाल दुई पाङ्ग्रे उत्पादक हो । नेपालमा भने आधिकारिक बिक्रेता एचएच बजाजले १ लाख ८३ हजारदेखि ५ लाख ७४ हजार ९ सय सम्मको मोटरसाइकल बिक्री गर्दै आएको छ । जसमध्ये १ लाख ८२ हजार ९ सय रुपैयाँ पर्ने बजान प्लाटिना पनि एक हो । यो मोटरसाइकल बजाजकै सस्तो र लोकप्रिय पनि रहेको गोङ्गबुको ब्रदर्स अटो प्रालिका मार्केटिङ म्यानेजर बिशेष गुरुङ बताउँछन् । उनका अनुसार १०.५ लिटर पेट्रोल ट्याङ्क क्षमता भएको यस मोटरसाइकलले प्रति लिटर करीब ७० किलोमिटर माइलेज दिन्छ ।

होन्डा सिडी ११० ड्रिम डिएक्स

विश्वकै तेस्रो विशाल जापानी बहुराष्ट्रिय कम्पनी होन्डाका मोटरसाइकलहरू नेपालमा पनि उपलब्ध छन् । यसको आधिकारीक बिक्रेता स्याकार कम्पनीले नेपाली बजारमा १ लाख ६४ हजार ९ सयदेखि ३२ लाख सम्मका मोटरसाइकल बिक्री गर्दै आएको छ, जसमध्ये १ लाख ८४ हजार ९ सय रुपैयाँ पर्ने होन्डा सीडी ११० ड्रिम डिएक्स नेपालमा सस्तो र लोकप्रिय मोटरसाइकल हो । यद्यपी यो मोटरसाइकल हाललाई भने नेपाली बजारमा सर्टेज रहेको ज्ञानेश्वरको होन्डा सोरुम श्रेष्ठ मोटरसाइकल हाउसका प्रतिनिधि जनाउँछन् ।

रनर रोयल प्लस

बङ्गलादेशको मोटरसाइकल उत्पादक रनर अटोमोबाइल्स कम्पनीको नेपालमा रमण मोटर्स प्रालिले आधिकाररिक बिक्रेता रहेको छ । नेपाली बजारमा रनरका १ लाख ८९ हजार देखि ३ लाख ९९ हजार सम्मका मोटरसाइकल उपलब्ध छन् । जसमध्ये १ लाख ८९ हजार रुपैयाँ पर्ने रनर रोयल प्लस पनि हो । ११० सीसीको १० लिटर पेट्रोल ट्याङ्क क्षमता भएको यस मोटरसाइकलले प्रति लिटर करीब ५५ किलोमिटर माइलेज दिने बताइएको छ ।

रनर बुलेट

रनर बुलेट मोटरसाइकलको मुल्य १ लाख ९५ हजार रुपैयाँ तोकिएको छ । १ सय २४ सीसीको १२ लिटर पेट्रोल ट्याङ्क क्षमता भएको यस मोटरसाइकलले प्रति लिटर करीब ५० किलोमिटर माइलेज दिन्छ ।



Leave a Reply

Your email address will not be published.

सम्बन्धित खबरहरु

काठमाडौं महानगरपालिकाले शुक्रबार अनामनगर क्षेत्रका अनधिकृत संरचना भत्काएको छ । शुक्रबार महानगरले अनामनगर क्षेत्रमा बनाइएका अनधिकृत संरचना डोजर लगाएर भत्काएको

नेपाली चलचित्र प्रेमगीत ३ शुक्रबारबाट विश्वभर प्रदर्शनमा आएको छ । नेपाल, भारतसहित विभिन्न देशमा एक साथ प्रदर्शनमा आएको प्रेमगीत ३

नेपाली बजारमा सुनको मूल्य बढेको छ। नेपाल सुनचाँदी व्यवसायी महासंघका अनुसार बिहीबारको तुलनामा शुक्रबार सुन तोलामा एक हजार रुपैयाँले बढेको

नेपाल राष्ट्र बैंकले शुक्रबारका लागि विदेशी मुद्राको विनिमय दर तोकेको छ। जसअनुसार अमेरिकी डलर एकको खरिद दर १२९ रुपैयाँ ०८

Suggested