सुनको मूल्य एक लाख नजिक
सुनको मूल्य बिहीबार प्रतितोलामा दुई हजार ५०० रुपियाँको दरले बढेर एक लाख नजिक पुगेको छ । नेपाल सुनचाँदी व्यवसायी महासंघका अनुसार बिहीबार छापावाल सुनको भाउ तोलाको ९९ हजार रुपियाँ कायम भएको छ । बुधबार छापावाल सुन तोलाको ९६ हजार पाँच सय रुपियाँमा कारोबार भएको थियो ।
यसैगरी बिहीबार तेजावी सुनको भाउ तोलाको ९८ हजार ५०० रुपियाँ निर्धारण गरिएको छ । चाँदीको मुल्य पनि तोलामा ३५ रुपियाँको दरले बढेको छ । बुधबार एक हजार ३२० रुपियाँमा कारोबार भएको चाँदी बिहीबार एक हजार ३५५ रुपियाँमा निर्धारण भएको छ ।
यो पनि…
यस्तो छ आजको विनिमय दर
सुनको मूल्य ८ सयले बढ्यो, चाँदीको कति ?
