हेर्नुहोस् मौसमको अवस्था
आज देशका धेरै ठाउँको मौसम सामान्यतया सफा रहे पनि भोलि शुक्रबार भने पानी पर्ने मौसमविद्ले बताएका छन् । पश्चिमी न्यून चापीय प्रणालीको प्रभावका कारण भोलि देशका धेरै ठाउँमा पानी पर्ने मौसमविद् हिरा भट्टराईले जानकारी दिइन् ।
उनले भोलि देशभरको मौसम बद्ली हुने र धेरै ठाउँमा पानी पर्ने जानकारी दिइन् । सुदूरपश्चिम, कर्णाली, लुम्बिनी, गण्डकी, बाग्मती र प्रदेश-१ का धेरै ठाउँमा मेघगर्जन र चट्याङ्गसहित पानी पर्ने हुँदा सतर्कता अपनाउन उनको आग्रह छ ।
यस्तै, यी प्रदेशका उच्च पहाडी र हिमाली जिल्लामा हिमपातको सम्भावना पनि रहेको भट्टराईको भनाइ छ । भोलि राति पनि देशका धेरै ठाउँमा पानी पर्ने उनले बताइन् । पर्सी पनि पश्चिमी वायुको असर पर्ने भएकाले वर्षा र हिमपातको सम्भावना छ । तर, पर्सी पानी भने केही कम पर्ने पूर्वानुमान छ ।
