दैनिक उसिनेको अण्डा खानुको फाइदा
अण्डालाई बिहानको खाजाका लागि उत्तम विकल्प मानिन्छ । विशेष गरी उसिनेको अण्डामा धेरै पौष्टिक तत्त्व हुन्छ । आफ्नो दैनिक आहारमा अण्डा समावेश गर्नाले पूर्ण पोषण प्राप्त हुन्छ ।
अण्डाको साथमा दूध पिउनुभयो भने स्वास्थ्यमा हुने फाइदा झनै बढ्छ । अण्डाको पहेँलो भागमा भिटामिन ‘ए’ भिटामिन ‘डी’ भिटामिन ‘बी’ १२ प्रचुर मात्रामा पाइन्छ । यसलाई दैनिक सेवन गर्नाले शरीरमा हुने जिङ्कको कमी पनि हट्छ ।
तौल कम हुन्छ
उसिनेको अण्डामा प्रशस्त मात्रामा प्रोटिन हुन्छ, जुन तौल घटाउन प्रभावकारी हुन्छ । यसको सेवनले लामो समयसम्म पेट भरिएको महसुस हुन्छ, यसले तौल नियन्त्रणमा राख्छ । बिहानको नास्तामा उसिनेको अण्डा र चना खाँदा तौल पनि कम हुन्छ ।
हड्डी बलियो हुन्छ
उसिनेको अण्डा खाँदा हड्डी बलियो हुन्छ । जाडोमा जोर्नी दुख्ने समस्या भएमा दैनिक उसिनेको अण्डा खानुपर्छ । अण्डामा पाइने भिटामिन डी प्राप्त गर्नाले बालबालिकाको दाँत, हड्डी र बलियो हुन्छ ।
मेटाबोलिजम बढ्छ
शरीरलाई सक्रिय राख्न चाहिने प्रोटिन उसिनेको अण्डामा प्रशस्त मात्रामा पाइन्छ । उमालेको अण्डा खाँदा कार्बोहाइड्रेट वा बोसो भन्दा बढी क्यालोरीहरू घटाउन मद्दत गर्दछ । यसले मेटाबोलिजमलाई बढाउन सहयोग गर्छ ।
छाला, कपाल र नङका लागि फाइदाजनक
उसिनेको अण्डाको सेवनले छालाको समस्या हटाउँछ र कपाललाई पनि बलियो बनाउँछ । यो आँखाका लागि निकै फाइदाजनक हुन्छ । अण्डामा ल्युटिन र जेक्सान्थिन नामक पोषक तत्त्व पाइन्छ । उमालेको अण्डा खाँदा मोतिया बिन्दुको जोखिम पनि कम हुन्छ ।
मांसपेशी बलियो हुन्छ
अण्डामा पाइने कोलाइन एक पोषक तत्त्व हो जुन मस्तिष्क, स्नायु प्रणाली र हृदयको लागी धेरै लाभदायक हुन्छ । यसले मस्तिष्कको कोशिका झिल्लीहरूको संरचनालाई कायम राख्न सहयोग गर्दछ । गर्भवती महिलाले दैनिक अण्डाको सेवन गर्दा पनि धेरै फाइदा हुन्छ ।
