फेरि बढाइएको इन्धनको मूल्य कति ? [सूची]
पेट्रोलियम पदार्थको मूल्य पुनः बढेको छ । नेपाल आयल निगमले आज शनिबार रातिबाट लागू हुनेगरी पेट्रोल, डिजेल र मट्टीतेलमा ३ रूपैयाँ बढाएको हो ।
निगमका अनुसार अब पेट्रोल प्रतिलिटर १४५ रूपैयाँ पुगेको छ । डिजेल र मट्टितेलको मूल्य १२८ रूपैयाँ कायम गरिएको छ । ग्यासमा मूल्य नबढाइएको निगमले जानकारी दिएको छ ।
अन्तर्राष्ट्रिय बजार मूल्यअनुरूप प्रतिलिटर पेट्रोल ५.६१ रूपैयाँले बढेको, डिजेल ५.६२ रूपैयाँले बढेको र हवाई इन्धन ४.९५ रूपैयाँले बढेर आएको र यस अनुरूप निगमलाई १५ दिनमा २ अर्ब ४० करोड रूपैयाँ घाटा हुने अवस्था रहेका कारण मूल्य बढाउन परेको निगमको भनाइ छ ।
