काँक्रोका ७ फाइदा
काँक्रोलाई स्वास्थ्यका दृष्टिकोणले राम्रो मानिन्छ । काँक्रोमा धेरै मात्रामा पानी पाइन्छ । सधैं काँक्रो खाँदा शरीरमा पानीको मात्रामा कमी हुँदैन । काँक्रोलाई प्रायः सलादको रूपमा प्रयोग गरिन्छ ।
फाइदा
-शरीरलाई स्वस्थ राख्छ
काँक्रोमा ९५ प्रतिशत पानी पाइन्छ । यसले शरीरमा पानीको मात्रालाई पूरा गर्छ । यसका साथै पानीको कमीबाट हुने स्वास्थ्य समस्यालाई पनि कम गर्छ ।
–शक्ति दिन्छ
काँक्रो खाँदा शरीरमा शक्ति प्राप्त हुन्छ । काँक्रोले कोलेस्ट्रेलको स्तरलाई कम गर्छ । यसले गर्दा हृदय सम्बन्धित रोगबाट पनि बच्न सकिन्छ ।
-कोलेस्ट्रोललाई नियन्त्रण गर्छ
काँक्रोमा कोलेस्ट्रोलको मात्रा हुँदैन । यसमा भएको स्ट्रेरोल तत्त्वले कोलेस्ट्रोललाई कम गर्न मद्दत गर्छ । मुटुका बिरामीले दैनिक काँक्रो खानु फाइदा हुन्छ ।
-पाचन शक्ति बलियो बनाउँछ
काँक्रोमा फाइबर अत्यधिक पाइन्छ । यसले कब्जियतबाट मुक्ति दिन्छ । यसका साथै पेटसँग सम्बन्धित अन्य रोगलाई पनि न्युनिकरण गर्छ ।
-पथ्थरी हुनबाट बचाउँछ
दैनिक खानासँगै काँक्रो खानाले पथ्थरी हुनबाट बचिन्छ । यसले पित्तथैली र मिर्गौलामा हुने पथ्थरीबाट बचाउँछ । काँक्रोको रसलाई दैनिक २/३ पटक पिउनु राम्रो मानिन्छ ।
-उच्च रक्तचाप नियन्त्रण
उच्चरक्तचापबाट बच्नको लागि काँक्रो खानु राम्रो हो । यसमा भएका पानीको मात्राले शरीरलाई चिसो बनाइ राख्छ ।
-महिनावारीको पीडा कम
महिनावारीको समयमा अत्यधिक पीडा हुनेले दहीमा काँक्रोलाई मिसाई त्यसमा पुदिना, नुन, कालो मरिच, जिरा र हिङ हालेर खाँदा पीडाबाट मुक्ति मिल्छ ।
