मौसममा फेरि खराबी
आज बुधबार फेरि मौसममा खराबी आएको छ । मुलुकमा पश्चिमी वायुको प्रभाव रहेकाले दिउँसो सुदूरपश्चिम, कर्णाली, लुम्बिनी र गण्डकी प्रदेशका धेरै स्थानमा वर्षाको सम्भावना रहेको मौसम पूर्वानुमान महाशाखाले जनाएको छ ।
बाग्मती र प्रदेश १ का केही स्थानमा पनि हल्का वर्षाको सम्भावना छ । साथै देशका उच्च पहाडी तथा हिमाली भूभागका धेरै स्थानमा हल्कादेखि मध्यम हिमपातको सम्भावना छ ।
राती सुदूरपश्चिम,कर्णाली, लुम्बिनी, गण्डकी, बाग्मती र प्रदेश १ मा वर्षाको सम्भावना छ ।
बिहीबार प्रदेश १, बाग्मती र गण्डकी प्रदेशका थोरै स्थानमा हल्का वर्षाको आकलन गरिएको छ । ती प्रदेशका उच्च पहाडी तथा हिमाली भूभागका थोरै स्थानमा हल्का हिमपातको सम्भावना छ ।
