लामखुट्टे भगाउन घरको वरिपरि रोप्नुहोस् यी बिरुवा
प्रदूषण बढेसँगै लामखुट्टेको सङख्या पनि बढ्दै गएको छ । लामखुट्टेले हाम्रो शरीरमा टोक्दा डेंगु, मलेरिया जस्ता रोग लाग्ने सम्भावना पनि धेरै हुन्छ । यी लामखुट्टेबाट छुटकारा पाउन बजारमा धेरै थरिका उत्पादनहरू बजारमा उपलब्ध छन् । तर, ती स्वास्थ्यको लागि प्रभावकारी नहुन सक्छन् । तर, केही यस्ता बिरुवाहरू छन् जसले लामखुट्टेलाई प्राकृतिक रूपमा टाढा राख्छ ।
लेमन ग्रास
लेमन ग्रास बिरुवाको सुगन्ध हामी सबैलाई मन पर्छ । यो धेरै लामखुट्टेलाई भगाउनको लागि पनि प्रयोग गरिन्छ । हामी यसलाई हर्बल चियाको रूपमा प्रयोग गछौंँ जुन सुगन्धबाट लामखुट्टे टाढा भाग्छ ।
सयपत्री
सयपत्री फूलले घरको वातावरण सुन्दर राख्छ । लामखुट्टे तथा अन्य उड्ने किराहरूलाई भने यसको गन्ध मन पर्दैन ।
लसुन
लसुन खानामा प्रयोग गरिन्छ । लामखुट्टेलाई यसको गन्ध मन पर्दैन । त्यसैले, तपाईंले घर वरपर लसुन लगाउँदा लामखुट्टे भगाउन र खानामा पनि प्रयोग हुने हुँदा दोहोरो फाइदा हुन्छ ।
तुलसी
तुलसीले हावा सफा राख्नुका साथै साना किरा र लामखुट्टेलाई पनि टाढा राख्छ । तुलसीको पातलाई खाना पकाउँदा वा चियामा पनि प्रयोग गर्न सकिन्छ ।
यो पनि…
घर बनाउने सपना, ‘गुरु’ ले पार्छ साकार
इन्टेरियर डेकोरेसनले घरलाई सुन्दर बनाउनुहोस्
