यी क्लबहरूको अनुभवसहित अडामा फर्किए बार्सिलोनामै
काठमाडौं । ट्राओरे अडामा फेरि बार्सिलोना फर्किएका छन् । बार्सिलोनाले अडामालाई प्रिमियर लिग क्लब वोल्भरहम्पटनबाट ३० मिलियन युरोमा भित्र्याएको हो ।
अडामालाई युरोपेली फुटबलमा उत्कृष्ट ड्रिबलरहरूमध्ये एक मानिन्छ । बार्सिलोनाले पनि अडामा युरोपको उत्कृष्ट ड्रिबलर भएको बताएको छ । २६ वर्षी य स्पेनिस खेलाडी अडामाले घर फर्किएको प्रतिक्रिया दिँदै खुसी व्यक्त गरेका छन् ।
उनले भनेका छन्- ‘म यहाँ हुर्केको छु र यहाँ मेरो परिवार र साथीहरूसँग फर्किएँ । म पिचमा यो खुसी फिर्ता दिन चाहन्छु ।’
आडमाले यस अघि २०१३ देखि २०१५ सम्म बार्सिलोनाका लागि खेलेका थिए । तर सो अवधिमा उनले केवल ४ खेल खेलेर एक गोल गरेका थिए । आडमा बार्सिलोनाको बि टिमबाट पनि खेलेका थिए ।
आडमाले २०१५ मा बार्सिलोना छोडेर एस्टन भिल्ला गएका थिए । त्यसपछि उनी २०१६ मा मिडल्सब्रो र त्यसपछि इङ्गल्यान्डमा वोल्भरहम्पटनबाट पनि खेलेका थिए ।
बार्सिलोनालाई बलियो टिम बनाउने अभियानमा रहेका प्रशिक्षक जाभीले बार्सिलोनाका पूर्वखेलाडीलाई क्लबमा फर्काइ रहेका छन् । यस अघि उनले डानी आल्भेजलाई भित्र्याएका थिए ।
यो पनि
