युक्रेनमा रसियाले हमला गरे रुसी ग्यास पाइप लाइन अवरुद्ध हुन्छ- अमेरिका
रसियाले युक्रेनमाथि हमला गरे पश्चिम युरोपमा रुसी ग्यासलाई पठाउने मुख्य पाइपलाइन नर्थ स्ट्रिम-२ खोल्ने निर्णय रोक्ने अमेरिकाले चेतावनी दिएको छ । नर्थ स्ट्रिम-२ रसियाबाट जर्मनीसम्म पुग्ने पाइप लाइन हो । रसियाले हमला गरे सो परियोजनामा प्रतिबन्ध लाग्न सक्ने वर्लिनस्थित अधिकारीहरूले बुधबार बताएका थिए ।
रसियाले युक्रेन अतिक्रमण गरे आफूहरुले रसियाको अर्थतन्त्रलाई निशाना बनाउने पश्चिमा साझेदारहरूले बताउँदै आएका छन् । यता, रसियाले युक्रेनमाथि हमला गर्ने आफ्नो कुनै योजना नरहेको बताउँदै आएको छ । तर, पश्चिमा मुलुकहरू उसको भनाइप्रति शंका गर्दै आएका छन् ।
‘म धेरै प्रष्ट हुन चाहन्छु कि रसियाले एक वा अर्को तरिकाले युक्रेनमाथि हमला गरेमा नर्ड स्ट्रिम-२ परियोजना अगाडि बढ्ने छैन’ विदेश मन्त्रालयका प्रवक्ता नेड प्राइसले अमेरिकी प्रसारक एनपीआरसँग भने ।
यो पनि
अमेरिकाले अस्वीकार गर्यो रसियाको माग
बाइडेनले भने- पुटिनमाथि नै प्रतिबन्ध लगाउन सकिने छ
