सार्वजनिक यातायातमा मास्क र भौतिक दूरी अनिवार्य



कोभिड–१९ संक्रमितको संख्या बढ्दै गएपछि काठमाडौंमा सार्वजनिक यातायातमा मास्क र भौतिक दूरीलाई अनिवार्य गरिएको छ ।
शुक्रबार काठमाडौंका प्रमुख जिल्ला अधिकारी, यातायात व्यवस्था विभाग, यातायात व्यवसायी र यातायात मजदुरहरूबीच भएको छलफलमा सार्वजनिक यातायातमा मास्क र भौतिक दूरीलाई अनिवार्य गर्ने निर्णय भएको हो ।

पछिल्लो केही दिन यता कोरोना संक्रमितको दर बढ्दै गएकाले काठमाडौंमा चल्ने सार्वजनिक यातायातमा स्वास्थ्यका मापदण्ड पालना गराउने निर्णय भएको जिल्ला प्रशासन कार्यालय काठमाडौंका सहायक प्रमुख जिल्ला अधिकारी जनकराज भट्टले जानकारी दिए । ‘अहिले सार्वजनिक यातायातमा २५ प्रतिशतले मात्र मास्क लगाउने गरेको र यात्रु मास्क लगाउन अटेर गरेको गुनासो गरेका छन्,’ उनी भन्छन्, ‘अब पनि मास्क लगाउन अटेर गरे यात्रुलाई संक्रामक रोग ऐन २०२० अनुसार कारवाही गरिनेछ ।’

छलफलका क्रममा सार्वजनिक यातायातमा भौतिक दूरी कायम गर्ने, सिट क्षमताभन्दा बढी मान्छे नराख्ने, बसपार्कमा जनचेतना फैलाउने र अनुगमनलाई प्रभावकारी बनाउने लगायतका निर्णय भएको भट्टले जानकारी दिए ।



Leave a Reply

Your email address will not be published.

सम्बन्धित खबरहरु

राइज मिडिया नेटवर्कका निर्देशकद्वय निर्मल श्रेष्ठ र सुनिता दुलाल जनसेवाश्री पदकबाट विभूषित भएका छन् । सामाजिक अभियन्ता श्रेष्ठ र लोकदोहोरी

पाटन सङ्ग्रहालय विकास समितिको आयोजना, लुम्बिनी विश्व शान्ति मञ्चको सहकार्य, ग्रिन भ्याली ग्रिन नेपालको सहयोग तथा प्रभु बैङ्कको प्रायोजनमा हिजो

लुम्बिनी विश्व शान्ति मञ्च, नेपाल र ग्लोबल ल थिंकर्स सोसाइटी (जीएलटीएस), बंगलादेशले संयुक्त रूपमा जलवायु परिवर्तनसँग लड्न ‘हरियो युद्ध, हरियो

दसैं, तिहार र छठका लागि २९ भदौदेखि सर्वसाधारणले नयाँ नोट साट्न पाउने भएका छन् । नेपाल राष्ट्र बैंकले नजिकिँदो चाडपर्व

Suggested