अब लोकसेवाको लिखित परीक्षा कहिले ?
काठमाडौं। लोकसेवा आयोगले लिखित परीक्षाहरू स्थगित गरेको छ। (६ माघ) बिहीबार बसेको आयोगको बैठकले कोरोना भाइरसको बढ्दो संक्रमण र आयोगकै कर्मचारीमा समेत कोरोना संक्रमण देखिएपछि लिखित परीक्षाहरू स्थगित गर्ने निर्णय गरेको हो।
आयोगले माघ ११ गतेदेखि माघ मसान्तसम्म सञ्चालन हुने लिखित परीक्षा स्थगित गरिएको जनाएको छ। यस्तै, फागुन १ गतेदेखि सञ्चालन हुने लिखित परीक्षासमेत सात दिनको पूर्वसूचना दिई पुनःतालिकिकरण गरी सञ्चालन गर्ने आयोगले जनाएको छ।
परीक्षा बाहेकका अन्य पूर्वनिर्धारित कार्यक्रम भने यथावत् रूपमा सञ्चालन हुने आयोगले जनाएको छ।
