राष्ट्रियसभा निर्वाचन : मधेश प्रदेशमा एमाले र लोसपाको गठबन्धन
जनकपुरधाम। मधेश प्रदेशमा राष्ट्रियसभा सदस्य निर्वाचनमा नेकपा एमाले र लोकतान्त्रिक समाजवादी पार्टी, नेपाल (लोसपा) बीच गठबन्धन बनेको छ।
एमाले मधेश प्रदेश कमिटी अध्यक्ष राम औतार यादव र लोसपा मधेश प्रदेश समिति अध्यक्ष जितेन्द्र सोनलले (६ माघ) बिहीबार संयुक्त रूपमा विज्ञप्ति जारी गरेर आसन्न राष्ट्रियसभा सदस्य निर्वाचनमा दुवै पार्टीबीच गठबन्धन बनेको जानकारी दिएका हुन्।
उनीहरूका अनुसार एमालेका उम्मेदवार उसमान अंसारी (सूर्य छाप) र महिलातर्फ लोसपाका उम्मेदवार रुपाकुमारी यादव (साइकल छाप) लाई मतदान गर्ने सहमति भएको छ । राष्ट्रियसभा सदस्यको निर्वाचन यही १२ माघमा निर्वाचन हुँदै छ।
