यसरी लगाउनुस् फाउन्डेसन

शर्मिला खड्का, मेकअप आर्टिस्ट

फाउन्डेसनलाई मेकअपको आधार भनिन्छ । मेकअपको आधार नै फाउन्डेसन भएकाले मेकअपको सौख नभएकाहरुलाई पनि फाउन्डेसनको बारेमा थाहा हुन्छ । आफ्नो स्किन टोनसँग मिल्ने फाउन्डेसन लगाउनु पर्छ, नभए यसले पुरै मेकअप नै बिगारी दिन सक्छ । फाउन्डेसन सही तरिकाले लगाउने हो भने निम्न कुराहरुमा ध्यान दिनुपर्छ ।

डटिङ टेक्निक अपनाउनुहोस्

फाउन्डेसन लगाउने सही तरिका भनेको डटिङ टेक्निक नै हो । तपार्इं धेरै हतारमा हुनुहुन्छ भने पनि फाउन्डेसनको थोपा अनुहारमा राखेर सुरुवात गर्नुपर्छ । यसो गर्दा तपाईंलाई फाउन्डेसन ब्लेन्ड गर्न सजिलो हुन्छ र एक समान देखिन्छ । यो टेक्निक अपनाउँदा धेरै समय लागेको जस्तो भए पनि यसले समग्रमा तपाईंको समय वचत गर्छ ।

पुरै अनुहारभरि फाउन्डेसन लगाउनुको साटो बिचबिचबाट ब्लेन्ड सुरु गरेर सबैतिर फैलाउनु पर्छ । नाकको वरपर र निधारमा फाउन्डेसन लगाउनुहोस् र ब्लेन्ड गर्नुहोस् । पुरा अनुहारमा फाउन्डेसन लगाउँदा त्यो भद्धा देखिन सक्छ ।

ब्युटी ब्लेन्डरको प्रयोग

फाउन्डेसन लगाउँदा हातको प्रयोग गर्नु हुदैन । किनकी हातमा यो राम्ररी फैलिदैन । ब्युटी ब्लेन्डरको प्रयोग गर्दा फाउन्डेसन राम्ररी फैलिन्छ । ब्लेन्डरलाई प्रयोग गर्नुभन्दा अघि हल्का भिजाउन बिर्सिनु हुन्न, नभए यसले सबै फाउन्डेसनलाई सोस्न सक्छ । फाउन्डेसन लगाउँदा राम्ररी ब्लेन्ड होस्, राम्ररी फैलियोस् भन्ने चाहनु हुन्छ भने पञ्जा या ब्लेन्डरको प्रयोग गर्नुहोस् ।

ब्रसको प्रयोग

यदि तपाई ब्रसको प्रयोगले फाउन्डेसन लगाउन चाहनु हुन्छ भने राम्रो क्वालिटीको ब्रस किन्नुहोस् । नराम्रो क्वालिटीको ब्रसको प्रयोग गर्नु भयो भने ब्रसको डाम अनुहारमा बस्न सक्छ । बजारमा फाउन्डेसन लगाउनकै लागि ब्रस पाइन्छ, त्यसको प्रयोग गर्दा फाउन्डेसन राम्ररी फैलिन्छ र ब्रसको डाम पनि बस्दैन ।

आँखाको तल फाउन्डेसन कम मात्र लगाउनुहोस् । आँखाको तल कन्सिलरको प्रयोग गरेर तपाई राम्रो बेस पाउन सक्नु हुन्छ ।

थप्थपाएर लगाउने

फाउन्डेसनलाई ब्लेन्ड गर्न थप्थपाउनु पर्छ । मोस्चराईजर क्रिमको जस्तो हातले फैलाएर लगाउनु हुदैन । यदि तपाई फाउन्डेसन राम्ररी लगाउनु हुन्छ भने पुरै मेकअप एकछिनमै हुन्छ । त्यसैले फाउन्डेसन लगाउँदा हतार गर्नु हुँदैन । फाउन्डेसनको सबै डटलाई थप्थपाएर लगाउनु पर्छ ।

पुरा अनुहार नढाक्ने

पुरै अनुहारभरि फाउन्डेसन लगाउनुको साटो बिचबिचबाट ब्लेन्ड सुरु गरेर सबैतिर फैलाउनु पर्छ । नाकको वरपर र निधारमा फाउन्डेसन लगाउनुहोस् र ब्लेन्ड गर्नुहोस् । पुरा अनुहारमा फाउन्डेसन लगाउँदा त्यो भद्धा देखिन सक्छ । तर ‘ज लाइन’ र ‘हेयर लाइन’मा पनि फाउन्डेसन लगाउनु पर्छ । यसले तपाईंको अनुहार र अन्य भाग फरक देखिदैन ।

केही भाग छाड्ने

आँखाको तल फाउन्डेसन कम मात्र लगाउनुहोस् । आँखाको तल कन्सिलरको प्रयोग गरेर तपाई राम्रो बेस पाउन सक्नु हुन्छ । दाग धब्बाहरूलाई फाउन्डेसनले छोप्ने प्रयास गर्नु हुदैन, त्यसको लागि स्पट करेक्टर तथा कन्सिलरको प्रयोग गर्नुपर्छ ।

सुमित्रा लुइटेलसंगको कुराकानीमा आधारित ।