प्रधानाध्यापकबाट मिसेस ग्रान्ड इन्टरनेसनलसम्मको यात्रा (भिडियो पनि)
भैरहवाकी उर्मिला उप्रेती सिलवाललाई सानैदेखि सौन्दर्य प्रतियोगितामा सहभागी हुने रहर थियो । उनलाई शिक्षण पेसामा पनि उनको त्यतिकै रुचि थियो । शिक्षण पेसालाई अघि बढाउने सपना पूरा गर्दागर्दै उनको सौन्दर्य प्रतियोगितामा सहभागी हुने उनको सपना पछाडि छुट्यो ।
मिसेस ग्रान्ड इन्टरनेसनलले उर्मिलाको त्यो सपनालाई पूरा गरिदिएको छ । उनले शनिबार मिसेस ग्रान्ड इन्टरनेसनलको ताज पहिरिएकी छिन् । मिसेस ग्रान्ड इन्टरनेसनल नेपालको ताज पहिरिएसँगै म्यानमारको माण्डलेमा हुने ‘मिसेस ग्रान्ड इन्टरनेसनल २०२२’ नेपालबाट उर्मिला सहभागी हुने भएकी छिन् । ‘मिसेस ग्रान्ड इन्टरनेसनल २०२२’ मार्फत नेपाललाई विश्वसामु चिनाउने प्रयास गर्ने उनी बताउँछिन् ।
उर्मिला केही अघि रिबन इन्टरटेनमेन्टको आयोजनामा राजधानीमा सम्पन्न मिसेस नेपाल वल्र्ड २०२१ मा अन्तिम चरणसम्म पुग्न सफल भएकी थिइन् ।
उर्मिला लिटल बुद्ध इन्टरनेसनल मन्टेश्वरी स्कुलको प्रधानाध्यापक हुन् । महिला सशक्तीकरण र महिला शिक्षाको अभियानमा जोडिएकी उर्मिलाले पाँच जना बालिकाहरूलाई निःशुल्क शिक्षाको व्यवस्था गरेकी छिन् ।
उर्मिला लिटल बुद्ध इन्टरनेसनल मन्टेश्वरी स्कुलको प्रधानाध्यापक हुन् । महिला सशक्तीकरण र महिला शिक्षाको अभियानमा जोडिएकी उर्मिलाले पाँच जना बालिकाहरूलाई निःशुल्क शिक्षाको व्यवस्था गरेकी छिन् । आफ्नो यो अभियानलाई निरन्तरता दिने उनको लक्ष्य छ । ‘अहिले पाँच जना नानीहरूलाई निःशुल्क शिक्षाको व्यवस्था गरेको छु विस्तारै त्यस संख्यालाई बढाउँदै लैजाने छु ’उनले भनिन् ।
हाम्रो देश नेपाल कला संस्कृतिमा एकदमै धनी छ । त्यसैले, हाम्रो संस्कृतिलाई विश्वसामु चिनाउने र महिला शसक्तीकरणको विषयमा आवाज उठाउने लक्ष्यको साथ उनी मिसेस ग्रान्ड इन्टरनेसनल २०२२ मा नेपालको प्रतिनिधित्व गर्दै छिन् । उनी भन्छिन्– ‘मेरो देशको संस्कृतिलाई विश्वसामु चिनाउने लक्ष्य लिएर तयारी गर्दै छु विजय भएर फर्कनको लागि सबैको साथ र सहयोग पाउने आशा गरेको छु ।’
दृढ आत्मविश्वास र लगातार मेहेनत गर्ने व्यक्तिले आफ्नो सपना पूरा गर्न सक्छ भन्ने उदाहारण बनेकी छिन् उर्मिला । सानै उमेरदेखि सौन्दर्य प्रतियोगितामा रुचि भए पनि विभिन्न कारण उनले त्यसमा सहभागी हुन पाएकी थिइनन् । १० वर्ष शिक्षण पेसामा योगदान दिएर अब समाज र देशका लागि केही गर्ने लक्ष्यको साथ उर्मिला अघि बढेकी छिन् ।
भिडियो:
यो पनि…
‘कठपुतली’ हेर्नेलाई आइफोन–१२ उपहार, यस्तो छ नियम
आयुषले छाडे सलमानको फिल्म
