त्रिविका प्राध्यापकहरूको वृत्तिविकास लक्षित तालिम सम्पन्न



त्रिभुवन विश्वविद्यालयमा अध्यापनरत प्राध्यापकहरूको वृत्तिविकासमा लक्षित तालिम सम्पन्न भएको छ । परम्परागत सिकाइ पद्धतिमा परिवर्तन गर्ने उद्देश्यले स्वयंसेवी प्राध्यापकहरूको अनौपचारिक सञ्जालले एकमहिने बहुआयामिक कार्यशाला तालिम सम्पन्न गरेको हो ।

कार्यक्रममा ८१ जनाले सहभागिता जनाएका थिए । जसमा १६ जना संयोजन समूहका सदस्यहरू सहभागी भएका थिए । सञ्जालले विगतमा सेमेस्टरमा आधारित शिक्षण तालिम, अनलाइन शिक्षण तालिम, अनुसन्धान र लेखन तालिम दिँदै आएको थियो । यो वर्ष बहुआयामिक कार्यशाला तालिमको विकास गरी उदीयमान तथा स्थापित विद्वानहरूको समेत वृत्तिविकासमा थप दिशानिर्देश गर्ने उद्देश्यले यो तालिम दिइएको कार्यक्रम संयोजक मोहन सुवेदीले बताए ।

तालिममा अनुसन्धानको एजेन्डा तथा त्यसको सामाजिक प्रभाव, प्रस्तुतिमा बहुुभाषिक बहुआयामिक प्रखरताका साथै आ–आफ्नो विधा र रुचिअनुसार नयाँ अवसरको सिर्जनासमेत गर्ने लगायतका विषय तालिममा समावेश गरिएको थियो । तालिमका लागि एक सय ५० जनाले आवेदन दिएकामा प्रस्तावना लेखाइको आधारमा सय जना मात्रै छनोट गरिएको संयोजक सुवेदीले जानकारी दिए ।

उनका अनुसार चारहप्ते कार्यशालामध्ये पहिलो कार्यशाला, कुनै उदीयमान विज्ञले आफ्नो खोज अनुसन्धानको बौद्धिक र विधागत मुद्दा वा उद्देश्यलाई विकास गर्ने क्रममा सामाजिक उद्देश्य र न्याय समेतलाई कसरी ख्याल गर्न सकिन्छ भन्नेबारे अध्ययन र अभ्यास गराउनमा केन्द्रित थियो । दोस्रो कार्यशालामा अनुसन्धान र बौद्धिक कर्मलाई सामाजिक न्यायसँग जोड्न र रूपान्तरण गर्न केवल जर्नलमा आर्टिकल लेख्ने र प्राज्ञिक सम्मेलनमा पेपर प्रस्तुत गर्ने काम गरेर मात्र पुग्दैन भन्नेमा आधारित रहेको सुवेदीले प्रष्ट पारे ।

यसैगरी, तेस्रो कार्यशालामा त्रिविले विगतमा विकास गरेका सेमेस्टर प्रणालीसम्बन्धी सामग्री लिएर अभ्यास गरिएको उनले जानकारी दिए । चौथो र अन्तिम कार्यशाला ‘वृत्तिविकासका नयाँ अवसर’ बारे थियो, जसमा प्राज्ञिक खोज–अनुसन्धानका लागि अनुदान, विज्ञवृत्ति वा छात्रवृत्ति कसरी खोज्ने, र आफूले समाजमा गरेका बौद्धिक योगदानलाई उपयुक्त वेबसाइटमार्फत सम्बन्धित सरोकारवालाहरूसँग कसरी जोडिने भन्ने तीनवटा उपायहरूलाई समेटिएको सुवेदीले जानकारी दिए ।

त्रिभुवन विश्वविद्यालयका उपकुलपति प्रा.डा. धर्मकान्त बास्कोटाको प्रमुख आतिथ्यतामा सम्पन्न भएको कार्यक्रमको विशिष्ट अतिथिको रूपमा सुदूरपश्चिम विश्वविद्यालयका उपकुलपति प्रा.डा. अम्मरराज जोशी रहेका थिए । यसैगरी, कार्यक्रममा मध्यपश्चिम विश्वविद्यलयका रजिस्टार प्रा.डा. नारायण पौडेल, विश्वविद्यालय अनुदान आयोगका सदस्य सचिव प्रा. शंकर भण्डारी, त्रिविका शिक्षाध्यक्ष प्रा.डा. शिव भुसाल डिनहरू क्रमशः प्रा.डा. बिनिल अर्याल, प्रा.डा. कुसुम शाक्य, प्रा.डा. दिव्या सिंह शाह र आरडीईसीका निर्देशक प्रा.डा. गंगाराम गौतमलगायतको उपस्थिति रहेको थियो ।

यो पनि

१५ माघसम्म विद्यालय बन्द गर्ने शिक्षा मन्त्रालयको निर्णय

चितवन मेडिकल कलेजमा मुटुको शल्यक्रिया पुनः सुचारु



Leave a Reply

Your email address will not be published. Required fields are marked *

सम्बन्धित खबरहरु

काठमाडौं । कोभिड-१९ को नयाँ भेरियन्ट ओमिक्रोनसहितको संक्रमण बढ्दै गएपछि आज माघ ५ गतेदेखि लागू हुनेगरी धार्मिक कार्यक्रम पनि संकुचन

काठमाडौँ विश्वविद्यालय स्कुल अफ म्यानेजमेन्ट (कुसोम) ले ‘मास्टर्स इन बिजनेश एण्ड इकोनोमिक्स’ कोर्सको अध्यापन गर्ने भएको छ । अर्थशास्त्रमा खोज

काठमाडौं उपत्यकामा ‘स्मार्ट लकडाउन’ सम्बन्धी अर्को आदेश जारी भएको छ । कोरोना संक्रमण बढ्दै गएपछि उपत्यकाका तीनवटै जिल्ला प्रशासन कार्यालयले

नेपालमा थप १० हजार २ सय ५८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो

Suggested