सुकीलाई चार वर्ष जेल सजाय
म्यानमारको एक अदालतले प्रजातन्त्रबादी नेतृ आङ सान सुकीलाई चार वर्ष जेल सजाय सुनाएको छ । विभिन्न तीन ओटा मुद्दामा दोषी ठहर गर्दै अदालतले सुकीलाई सोमबार चार वर्ष जेल सजाय सुनाएको हो ।
नोबेल शान्ति विजेता सुकीलाई गत वर्षको १ फेब्रुवरीदेखि नजरबन्दमा राखिएको छ । ७६ वर्षीय सुकीमाथि गैरकानुनी ढंगले वाकी–टकिज लिएको कोभिडसम्बन्धी नियम उल्लंघन गरेको आरोप लागेको छ । ‘कु’ गरेको दिन सेनाले उनको घरमा छापा मार्ने क्रममा वाकी–टकिज फेला पारेको थियो ।
यसअघि डिसेम्बरमा सुकीलाई अदालते विभिन्न अभियोगमा चार वर्ष जेल सजाय सुनाएको थियो । उत्तेजना फैलाएको र कोभिड नियम उल्लंघन गरेको आरोप लागेको थियो । सेनाको जुन्ता सरकारले पछि सो सजाय आधा घटाएर दुई वर्ष बनाएको थियो ।
यो पनि…
कैदीको भेषमै अदालत पुगिन सुकी
म्यानमारमा दुखेको मानवता
