दैनिक मेथीको सेवनले पाउनुहोस् यस्ता लाभ



वरिष्ठ आयुर्वेद विज्ञ डा. श्यामबाबु यादव

नेपालीहरूको भान्सामा सजिलै पाइने चीजहरूमा मेथीको दानाको पनि पर्छ । तरकारीको स्वाद बढाउनदेखि अन्य विभिन्न कुरामा हामी मेथीको प्रयोग गर्छौं । यो स्वादमा तितो हुन्छ, तर स्वास्थ्यको लागि ठूलो वरदान हो । मोटोपना घटाउनदेखि महिनावारीको पेट दुखाइ हटाउनसम्म मेथीले महत्वपूर्ण भूमिका खेल्छ ।

मोटोपना कम गर्न

मोटोपना कम गर्न संघर्ष गरिरहेका मानिसहरूले तुरुन्तै मेथीको सेवन शुरु गर्नुपर्छ । मेथीमा प्राकृतिक घुलनशील फाइबर हुन्छ, जसले पेट लामो समयसम्म भरिएको महसुस गरायने हुँदा अनावश्यक चीजहरू खानबाट बच्न सकिन्छ । यसबाहेक मेथी बोसो घटाउन र मोटोपना घटाउन पनि निकै प्रभावकारी हुन्छ ।

एक चम्चा मेथीको दाना रातभर पानीमा भिजाउनुहोस् । यी दानाहरू बिहान खाली पेटमा चपाउनुहोस् । राम्रो परिणामको लागि, यी दाना भिजाइएको पानी पिउनुहोस् ।

महिनावारी दुखाइ कम गर्न

भिजेको मेथीको दाना चपाउँदा पीएमएस सम्बन्धित समस्याहरू कम गर्न मद्दत गर्छ । उदाहरणका लागि, मेथीको दानाले पेट दुख्ने र चिडचिडा मुडमा ठूलो राहत दिन्छ मेथीमा डाइओजेनिन र आइसोफ्लाभोन्स जस्ता तत्वहरूले एस्ट्रोजेन हार्मोनलाई समान फाइदाहरू प्रदान गर्दछ ।

महिनावारीको समयमा मेथी खानुहोस्, तपाईको पाँच दिन सजिलै बित्नेछ ।

आइरनको कमीमा मेथी

यो एक सर्वविदित तथ्य छ कि विशेषगरी, यौवन, गर्भावस्था र स्तनपानको समयमा पुरुषहरूभन्दा महिलाहरूमा आइरनको कमी धेरै हुन्छ । जीवनको यी महत्वपूर्ण चरणहरूमा आहारमा मेथी समावेश गर्दा, आवश्यक आइरनको कमी हुँदैन । मेथीमा प्रशस्त मात्रामा आइरन सप्लिमेन्ट पाइन्छ ।

मधुमेहमा पनि मेथी उपयोगी

मेथीको दानाले रगतमा चिनीको मात्रा धेरै प्रभावकारी रूपमा नियन्त्रण गर्न सक्छ । मेथीको दानामा ‘ग्यालेक्टोमनन’ नामक प्राकृतिक घुलनशील फाइबर हुन्छ, जसले रगतमा चिनीको अवशोषणलाई कम गर्छ र रगतमा चिनीलाई नियन्त्रणमा ल्याउँछ । यी दानाहरूमा आवश्यक एमिनो एसिडहरू हुन्छन्, तत्वहरू जस्तै, ‘द–हाइड्रोक्सी’, ‘आइसोल्युसिन’ आदि । यी तत्वले इन्सुलिन उत्पादनमा मद्दत गर्दछ ।



Leave a Reply

Your email address will not be published.

सम्बन्धित खबरहरु

अहिले मोबाइलको प्रयोग निकै बढेको छ । अफिसको कामदेखि लिएर अनलाइन मनी ट्रान्सफरसम्मको काम मानिसहरूले मोबाइलबाटै गर्छन् । मोबाइलमा पनि

राजविराज नगरपालिका वडा नं ४ मस्जिद टोलकी ३२ वर्षकी आशा परियारलाई पछिल्लो समय मोबाइलले तनाव थपिदिएको छ । विवाह भएदेखिनै

गण्डकी प्रदेशमा २८ असोजदेखि सुरु हुने नवौं राष्ट्रिय खेलकुदअन्तर्गत महिला क्रिकेटको तालिका सार्वजनिक भएको छ । २३ गतेदेखि पोखरा रंगशालामा

दसैं नजिकिएसँगै काठमाडौं महानगरपालिकाले बजार अनुगमनलाई तीव्र पारेको छ । उपमेयर सुनिता डंगोल नेतृत्वको टोली हरेक दिन बजार अनुगमनमा निस्कने

Suggested