कर्णका श्रीमती काे–काे हुन् ?
महाभारतका कुन्ती पुत्र कर्णलाई अधिरथ र राधाले पालेका थिए । गंगामा बगेका कर्णलाई अधिरथले नदी किनारबाट घर लगेर पालन पोषण गरेका थिए । अधिरथ निःसन्तान थिए । कर्णका कान धेरै राम्रा थिए । त्यसैले उनको नाम कर्ण राखिएको हो ।
वृषाली र सुप्रियाः कर्णका दुई श्रीमती थिए । दुबै अत्याधिक सुन्दर थिए । अंग देशका राजा कर्णकी पहिलो श्रीमतीको नाम वृषाली थियो । वृषालीबाट वृषसेन, सुषेण, वृषकेत तीन पुत्र जन्मिएका थिए ।
वृषाली दुर्योधनको रथका सारथी सत्यसेनकी बहिनी थिइन् । भनिन्छ, कर्णको मृत्युपछि उनले कर्णकै चितामा देह त्याग गरेकी थिइन् ।
कर्णकी दोश्रो पत्नीको नाम सुप्रिया थियो । उनी दुर्योधनकी श्रीमती भानुमतीकी साथी थिइन् । सुप्रियाबाट चित्रसेन, सुशर्मा, प्रसेन, भानुसेक जन्मिएका थिए । सुप्रियालाई नै पद्यावती र पुन्नुरुवी भनिन्थ्यो ।
