मोटोपना घटाउन के खाने के नखाने ?
मोटोपना पनि एउटा रोग हो । मोटोपनाको सबैभन्दा प्रमुख कारण आधुनिक जीवनशैली हो । आवश्यकता भन्दा धेरै मोटो हुनु स्वास्थ्यका लागि हानिकारक मानिन्छ । यसबाट बच्न हामीले आफ्नो खानपानमा परिवर्तन गर्न जरुरी छ । त्यसैले मोटोपनाबाट मुक्त कस्तो खाना खाने/नखाने भन्ने बारे चर्चा गरिएको छ :
फलफूल र तरकारी प्रसस्त खाने
मौसमी फलफूल र तरकारी प्रसस्त मात्रामा खानुपर्छ । यिनीहरुमा प्रशस्त मात्रामा पोषक तत्वहरू पाइन्छ र रोगहरूबाट बचाउन मद्दत गर्दछ । आहारमा अधिक प्राकृतिक चीजहरूलाई समावेस गर्नु पर्छ । फलफूल र तरकारीमा पोषक तत्वको साथसाथै एन्टिअक्सिडेन्ट, मिनरल्स, कार्बोहाइड्रेट, प्रोटिन, फाइबर प्रशस्त मात्रामा हुन्छ । यी चिज खाँदा कोलेस्ट्रोल, टाइप–२ मधुमेहको खतरा कम हुन्छ । मौसमी फलफूल र तरकारीमा केमिकल कम हुने सम्भावना हुन्छ ।
मासु कम खाने
केही अध्ययनले मासुको सेवन कम गर्नु स्वास्थ्यका लागि फाइदाजनक रहेको पाइएको छ । त्यसैले मासुको सेवन कम गर्नुपर्छ । आहारमा फाइबरयुक्त खानेकुरा खानुहोस्, जुन सबैभन्दा बढी आवश्यक छ । मासु बिना पनि शरीरको पोषणको आवश्यकता सजिलै पूरा गर्न सकिन्छ ।
धेरै अन्न खाने
जब स्वस्थ्कर खाना खानुहुन्छ, अन्नको छनोट पनि महत्वपूर्ण हुन्छ । जे खानु हुन्छ रासायनिकमुक्त हुनुपर्छ । त्यसैले स्वस्थ्य वस्तुमा अन्न सबैभन्दा पहिले आउँछ किनभने यसमा सबैभन्दा कम रसायनयुक्त चीजहरू प्रयोग गरिन्छ । यो पूर्णतया प्राकृतिक हुन्छ । खानामा ओट्स सहित सम्पूर्ण अन्न समावेश गर्न सकिन्छ । जसले पाचन र रोग प्रतिरोधात्मक क्षमता बढाउन मद्दत गर्दछ । यसका साथै यसले तौल घटाउन पनि मद्दत गर्छ ।
प्रशोधित र परिष्कृत कार्बोहाइड्रेट खाना कम खाने
परिष्कृत कार्बोहाइड्रेट र प्रशोधित चीजहरू आहारमा कम गर्नुपर्छ । आफ्नो आहारमा जंक फूड र प्याकेट गरिएको खानाको सेवन कम गर्नुपर्छ । धेरैजसो प्याकेटिङ गरिएको फलफूलको जुस र जंक फूडमा धेरै प्रकारका प्रिजर्भेटिभहरू थपिन्छन् । यी चीजहरूमा क्यालोरी धेरै हुन्छ र पोषक तत्वहरू धेरै कम हुन्छन् ।
सोडियम र चिनीयुक्त चीजहरू कम खाने
स्वस्थ जीवनशैलीका लागि आफ्नो आहारमा परिष्कृत चिनी, सोडियम र चिनीयुक्त चीजहरू सीमित गर्नुपर्छ । बिस्कुट, चिप्स, रोटीमा चिनी र सोडियम हुन्छ जुन स्वास्थ्यका लागि हानिकारक हुन्छ । यसको साथै पेय पदार्थ, सोडा, मिठाई जस्ता खानेकुराको सेवन कम गर्ने । यसको सट्टा, प्राकृतिक फलफूल खाने ।
