शारीरिक सम्बन्धलाई सहज बनाउन चिप्लो पदार्थ अर्थात् लुब्रिकेन्टको प्रयोग उपयोगी मानिँदै आएको छ । कतिपय महिलालाई यौन सम्बन्धको बेला पीडा महशुस हुन्छ भने लुब्रिकेन्टको प्रयोग उपयोगी हुन्छ ।
यौन विशेषज्ञहरूका अनुसार शारीरिक सम्बन्धको बेला लुब्रिकेन्टको प्रयोग र यसका फाइदाका बारे जानकारी नभएकै कारण पिडादायी हुने गरेको हो । कतिपयले यस विषयमा स्त्रीरोग विशेषज्ञसँग छलफल गर्न समेत लाज मान्ने हुनाले पनि यो समस्या कमै समाधान भएको देखिन्छ ।
प्रायः स्त्रीरोग विशेषज्ञ जल आधारित लुब्रिकेन्टको प्रयोग गर्न सल्लाह दिन्छन् । तेल आधारित लुब्रिकेन्टले कन्डम फुट्ने सम्भावना बढी रहन्छ । परिणामस्वरूप अनिच्छित गर्भको डर पनि रहन्छ भने यौन सङ्क्रमणको खतरा पनि बढ्छ ।
गलत लुब्रिकेन्टको प्रयोग
लुब्रिकेसनका लागि प्रायः दम्पती थुकको प्रयोगलाई सहज मान्छन् । यद्यपि थुक कीटाणुयुक्त हुन सक्छ, जुन सहज रूपमा योनीमा प्रवेश गर्न सक्छ । ब्रस गरेर मुख सफा राखेको छ, मुखमा खानाको कुनै पनि अंश छैन तथा मुखमा कुनै प्रकारको घाउ–खटिरा छैन भने दम्पतीले मुख मैथुनको आनन्द पनि लिन सक्छन् । यद्यपि त्यसमा ब्याक्टेरियल इन्फेक्सनको डर भने हुन्छ नै ।
विशेषज्ञहरूका अनुसार कुनै पनि परिस्थितिमा थुक राम्रो लुब्रिकेन्ट होइन । यसको प्रयोगबाट यौनाङ्गमा हुने हर्पिज, ब्याक्टेरियल तथा इष्ट इन्फेक्सनजस्ता सङ्क्रमण हुन सक्छ ।
फ्लेभर फ्री लुब्रिकेन्टको प्रयोगले एक पटक संसर्ग सुख प्राप्त हुन्छ तर साइड इन्फेक्सनका रूपमा योनिमा सुख्खापनको समस्या देखापर्न सक्छ । समयसँगै योनिमा इन्फेक्सनको समस्या सिर्जना हुन पनि सक्छ । लुब्रिकेन्टमा पेट्रोलियम जेली, नानोजाइनोल–९, प्रोपीलिन ग्लाइकोल तथा क्लोरहेक्सीडाइन ग्लुकोनेट जस्ता पदार्थ नहोस् भन्ने कुरामा ध्यान पु-याउनुपर्छ ।
थरी थरीका लुब्रिकेन्ट
जल आधारित लुब्रिकेन्ट
यस प्रकारको लुब्रिकेन्ट पेट्रोकेमिकल रहित, ग्लिसिरिनरहित एवं प्याराफिन रहित हुन्छ । यस प्रकारको लुब्रिकेन्ट लामो समयसम्म टिक्दैन । त्यसैले पुनः प्रयोग गर्नुपर्ने हुन्छ । यस्तो लुब्रिकेन्टका साथमा कन्डमको तालमेल राम्रो हुन्छ ।
सिलिकन आधारित लुब्रिकेन्ट
सिलिकनमा आधारित लुब्रिकेन्टको प्रयोग यौन सम्पर्कका बेला पनि गर्न सकिन्छ । यस्तो लुब्रिकेन्टले योनिलाई लामो समयसम्म चिल्लो बनाइ राख्छ ।
फ्लेभर लुब्रिकेन्ट
यो लुब्रिकेन्टले यौन सम्बन्धमा नयाँ अनुभव प्रदान गर्छ । तर यसले पछि गएर यौनाङ्ग पोल्ने समस्या पनि निम्त्याउन सक्छ ।
तातो–चिसो लुब्रिकेन्ट
यस प्रकारको लुब्रिकेन्टले तत्कालका लागि नयाँ अनुभव प्रदान गर्छ तर पछि गएर यौनाङ्ग पोल्ने समस्या देखा पर्न सक्छ ।
