गुड नाइट : ‘ग्रिन टी नपिई निद्रा लाग्दैन’

नेपाली चलचित्र क्षेत्रका सफल अभिनेता तथा निर्माता हुन्–दीपकराज गिरी । थुप्रै चलचित्र र टेलिश्रृंखलामा अभिनय गरिसकेका गिरीसँग मेरोलाइफस्टाइलले गरेको गुडनाइट वार्ताः

बेलुकाको खाना कति बजे खानुहुन्छ ?

८ बजेभित्र खाइसक्छु ।

के खानुहुन्छ ?

यही नै खान्छु भन्ने छैन । प्रायः दाल–भात–तरकारी नै खान्छु । तर, थोरै खान्छु ।

कति बजे सुत्नुहुन्छ ?

११ बजे सुत्छु ।

बेडमा जानुअघि के गर्नुहुन्छ ?

अध्ययन गर्छु ।

सिरानी कता पार्नुहुन्छ ?

पूर्व पार्छु ।

के लगाएर सुत्नुहुन्छ ?

सजिलो हुने कपडा लगाउँछु ।।

रक्सी खाने बानी छ, कि छैन ?

छैन, ग्रिन टी नपिई निद्रा लाग्दैन ।

सुत्नु अघि नियमित गर्ने काम के हो ?

नियमित एउटै खालको काम हुँदैन । समाजिक सञ्जाल चलाउने, अध्ययन गर्ने गर्छु ।

सपना देख्नु हुन्छ, कि देख्नुहुन्न ?

देख्छु तर, याद हुँदैन ।

निन्द्रा लागेन भने के गर्नुहुन्छ ?

म सकारात्मक सोच्ने मान्छे हुँ । मलाई मिठो निन्द्रा लाग्छ ।

अचानक निन्द्रा खुल्यो भने के गर्नुहुन्छ ?

ट्वाईलेट जान्छु ।