दृष्टिविहिन बनाउने के हो शापू रोग ? कसरी बच्ने ?



सेतो पुतलीका कारण आँखा देखिने एक किसिमको दृष्टिविनाशक रोग हो- शापू । प्राय भदौदेखि मंसिरसम्म विशेष गरी नेपालको मध्य पाहाडी भेगमा यो रोग माहामारीको रुपमा देखिने गर्छ । यो रोगको लक्षण देखापरेको २४ देखि ४८ घण्टासम्म उपचार हुन नपाए आँखाको दृष्टि गुम्न सक्ने खतरासमेत हुन्छ ।

समयमै उपचार भएमा यो रोग निको हुन्छ । ढिला हुन गएमा बिरामीको दृष्टि गुम्न सक्छ वा आँखा सुकेर जान सक्छ । यो रोग लागेको शंका लागेमा तुरुन्तै अस्पताल तथा आँखा उपचार केन्द्रमा गएर चिकित्सकको सल्लाह लिनु पर्छ । आफूखुशी औषधि वा जडिबुटीको प्रयोग गर्नु हुँदैन ।

यो रोग लाग्ने कारण

हालसम्म सेतो पुतली (मोथ)लाई शापूको कारक मानिएको छ । तथापि कतिपय अवस्थामा भने सेतो पुतलीको संसर्गमा नआएका बिरामीहरुलाई पनि यो रोग देखा परेको छ । अन्य जिवाणु र विषाणुले पनि यो रोग लागेको पाइएको छ ।

लक्षण

– एक्कासि आँखा रातो हुनु
– चिप्रा लाग्नु
– उज्यालोमा हेर्न नसक्नु
– आँखाको दृष्टिमा तत्कालै कमी आउनु
– आँखा दुख्नु
– उपचारमा ढिला भएमा कालो नानी सेतो देखिनु

बच्ने उपाय

– सेतो पुतलीको संसर्गबाट टाढै रहने
– धेरै उज्यालो सेतो बत्ति नबाल्ने
– साँझ र राती ढोका बन्द गर्ने
– सम्भव भएसम्म झ्याल ढोकामा जाली हाल्ने
– सुत्ने कोठामा बत्ती निभाएर वा मधुरो बत्ती बालेर तथा झुल लगाएर मात्र सुत्ने



Leave a Reply

Your email address will not be published. Required fields are marked *

सम्बन्धित खबरहरु

नेपाल अटोमोबाइल्स डिर्लस एशोसिएसन अफ नेपाल (नाडा) को आगामी निर्वाचनका लागि अध्यक्ष पदका प्रत्यासी उम्मेदवार करण चौधरीले आफ्नो समूहका सदस्यहरुको

महिला हिंसा अन्त्य गर्नपर्छ भन्ने नारा हामीले प्राय सुनिरहेका हुन्छौ । यो विषयमा चर्चा हुन थालेको लामो समय भईसक्यो ।

राप्रपा अध्यक्ष पशुपति शमशेर जबराले पार्टीको हितका लागि आफूले नेतृत्वको दाबी छोडेको जानकारी दिएका छन् ।  काठमाडौंमा बुधबारबाट सुरु भएको

स्वास्थ्य तथा जनसङ्ख्या मन्त्रालयले अत्यावश्यक कामबाहेक विदेश भ्रमण नगर्न अपिल गरेको छ । कोभिड–१९ को ओमिक्रोन भेरियन्टको सङ्क्रमणलाई दृष्टिगत गर्दै