जाहान्वी भन्छिन्– ‘बेलुका चकलेट नभई हुन्न’

अभिनेत्री जाहान्वी बस्नेतले चलचित्र ‘पञ्चायत’ बाट डेब्यु गरेकी हुन् । विभिन्न चलचित्र र म्यूजिक भिडियोमा समेत अभिनय गरिसकेकी बस्नेतसँग मेरोलाइफस्टाइलले गरेको गुडनाइट वार्ता :

बेलुकाको खाना कति बजे खानुहुन्छ ?

११ बजे भित्र खाई सक्छु ।

के खानुहुन्छ ?

प्राय रोटी र खर्बुजा खान्छु ।

कति बजे सुत्नुहुन्छ ?

लेट नाइट सुत्छु । निदाउँदा २ बज्छ ।

त्यति रातीसम्म त ब्वाइफ्रेन्डसँग कुरा गरेर बस्ने त होला नि ?

ब्वाइफ्रेन्ड छैन । मलाई मन पर्ने सिरिज हेर्छु । सामाजिक सञ्जालमा के छ, त्यो जाँच गर्छु ।

बेडमा जानुअघि के गर्नुहुन्छ ?

सद्गुरु नामको च्यानल छ । त्यसमा सेल्फ मोटिभेसनल र दैनिक जीवनमा आउने परिस्थितिलाई कसरी सम्हाल्ने भन्ने कुरा आउँछ त्यही सुन्छु ।

सिरानी कता पार्नुहुन्छ ?

पूर्व ।

के लगाएर सुत्नुहुन्छ ?

नाइटी लगाउँछु । गर्मीका लागि वनपिस र जाडोमा टु पिस सुट छ । त्यही लगाएर सुत्छु ।

बेलुका केही खाने बानी छ ?

बेलुका चकलेट नभइ हुन्न ।

सुत्नुअघि अन्तिम पटक के खानुहुन्छ ?

ग्रीन टी खान्छु । बिहान उठ्ने बित्तिकै पन् िग्रीन टी नै चाहिन्छ ।

सुत्नु अघि नियमित गर्ने काम के हो ?

मेकअप पखाल्छु । हातखुट्टा धोएर फ्रेस हुन्छु । कपाल सधैँ कोर्छु ।

सपना देख्नु हुन्छ कि हुन्न ?

एकदम धेरै देख्छु । दिउँसो होस या राति निदाएँ भने सपना देखिहाल्छु ।

निन्द्रा नलागे के गर्नुहुन्छ ?

नेटफ्लिक्समा चलचित्र र सिरिज हेर्छु ।