दीपिका भन्छिन्– ‘निद्रा नलागे बेडमै मेडिटेसन गर्छु’
दीपिका प्रसाईं नेपाली चलचित्र क्षेत्रमा छोटो समयमा स्थापित अभिनेत्री हुन् । डेब्यु चलचित्र ‘ऐश्वर्य’ बाटै राम्रो चर्चा बटुलेकी प्रसाईंले सोही चलचित्रबाट कामना फिल्म अवार्ड र एनएफडिसी राष्ट्रिय चलचित्र पुरस्कार समेत जितेकी थिइन् । यो सँगै उनले चलचित्र ‘छक्का पञ्जा–३’ मा पनि अभिनय गरेकी थिइन् । तिनै अभिनेत्रीसँग मेरोलाइफस्टाइलले गरेको गुडनाइट वार्ता :
बेलुकाको खाना कति बजे खानुहुन्छ ?
आजभोलि डाइटिङमा छु । ४ बजेपछि केही खादिन । त्यसअघि दूध र फलफूल खान्छु ।
कति बजे सुत्नुहुन्छ ?
१० बजेभित्र सुतिसक्छु ।
बेडमा जानुअघि के गर्नुहुन्छ ?
मोबाइल चलाउँछु ।
मोबाइलमा के चलाउनु हुन्छ नि ?
सामाजिक सञ्जाल हेर्छु । समाचार फलो गर्छु ।
सिरानी कता पार्नुहुन्छ ?
पूर्व तिर छ ।
के लगाएर सुत्नुहुन्छ ?
नाइट ड्रेस लगाएर सुत्छु ।
श्रीमानको कुन साइडमा सुत्नुहुन्छ ?
बायाँतर्फ सुत्छु ।
सुत्नुअघि अन्तिम पटक के खानुहुन्छ ?
पानी खान्छु ।
सुत्नु अघि नियमित गर्ने काम के हो ?
आफूलाई सजिलो हुने ड्रेस लगाएर सुत्छु । मेकअप निकाल्छु, हातखुट्टा धोएर फ्रेस हुन्छु । नाइट क्रिम लगाउँछु ।
सपना देख्नु हुन्छ, कि देख्नुहुन्न ?
कहिलेकहीँ देख्छु ।
निद्रा लागेन भने के गर्नुहुन्छ ?
निद्रा लागेन भने बेडमै मेडिटेसन गर्छु ।
