कपालमा चाया परेर हैरान हुनुहुन्छ भने यस्ता छन् हटाउने उपाय



कपालमा चाया पर्ने समस्या अहिले धेरैको आम समस्या बनेको छ । यसबाट बालबालिका देखि वृद्धवृद्धासम्म अछुतो छैनन् ।
चायाका कारण कतिपयलाई ठूलै समस्या समेत पारिरहेको छ । यसले व्यक्तित्वमा समेत असर पार्ने हुँदा कसरी हटाउने भन्ने सबैको चिन्ताको विषय हुन सक्छ । चाया प्राय दुई प्रकारको हुने गर्छ । एउटा छालामा टासिने अर्को छालामा नटासिने ड्राइ अर्थात् भुरभुर उड्ने चाया । छालामा टाँसिने चायाको तुलनामा ड्राइ चायालाई हटाउन अलि सहज हुन्छ । त्यसैले कपालको चाया हटाउने उपायका बारे सौन्दर्यविद् तथा सौन्दर्य कला व्यवसायी संघको केन्द्रिय अध्यक्ष कमला श्रेष्ठले दिएको सुझाव यस्तो छ :

चाया हटाउने उपाय

– चाया भएको व्यक्तिले छुट्टै काइँयो तथा रुमालको प्रयोग गर्ने ।
– ठूलो दाँत भएको काइँयोले हरेक साँझ कपाल राम्ररी कोर्ने । यसले गर्दा कपालमा भएको फोहोरमैला बाहिर निस्कन्छ  ।
– कपाल कोर्ने काइँयो अथवा ब्रस सफा हुन जरुरी छ । त्यसैले काइँयो तथा ब्रस डेटोल पानीमा सफा गरिरहने ।
– जंकफुडहरु एकदमै कम खाने
– कपालको जरालाई सुख्खा हुन नदिन तेलले जरामा मसाज गर्ने ।
– अल्कोहल प्रयोग भएको सामानहरु जस्तै ः जेल, हेयर स्प्रे प्रयोग नगर्ने ।
– कपालमा साबुनको प्रयोग नगर्ने । यसले कपाल तथा जरालाई सुख्खा बनाउँछ र चाया पर्छ ।
– ओलिभ आयल र विभिन्न मिनरल आयलहरु जरामा लगाएर मालिस गरेर २ घन्टा छोड्ने अनि नुहाउने ।
– नुहाउँदा मेडिकेटेड एन्टी फंगल स्याम्पुको प्रयोग गर्ने । यस्तो स्याम्पु ३ महिना लगातार प्रयोग गर्नु पर्छ बिचमा छोड्नु हुँदैन ।
– यो स्याम्पुको प्रयोग गर्दा सुरुको महिना हप्तामा एक पटक, दोस्रो महिनामा १५ दिनमा एक पटक र तेस्रो महिनामा १ पटक मात्र लगाउनु पर्छ ।
– चाया कम गर्नकै लागि लिभ अन लोसनको प्रयोग पनि गर्न सकिन्छ । यो लोसन दैनिक जरामा लगाएर मालिस गर्दा चाया हटाउन सकिन्छ ।
– एकदम धेरै चाया छ भने ३ प्रतिशत टि जेल र टि साल स्याम्पुलाई अन्य स्याम्पुमा मिसायर लगाउन सकिन्छ ।
– राति सुत्नु अघि ग्लिसरीनलाई जरामा लगाएर मालिस गर्ने यसले पनि चायाको समस्यालाई कम गर्छ ।



प्रतिक्रिया दिनुहोस !
सम्बन्धित खबरहरु

धेरै मानिसहरुलाई यौन दुर्बलताका कारण तनाव सिर्जना भइरहेको हुन्छ । यौन दुर्बलताका विभिन्न कारणहरु हुन्छन् । त्यसैमध्येको एक हो– खानपानमा

प्रधानमन्त्रीमा शेरबहादुर देउवा नेतृत्वको सरकारको पहिलो मन्त्रिपरिषद्को बैठकले सबै नागरिकलाई खोप उपलब्ध गराउने निर्णय गर्यो । संसद्मा विश्वासको मत माग्ने

गायिका सुनिता दुलालको स्वरमा सजिएको ‘परदेशी छोरी’ बोलको तीज गीत सार्वजनिक भएको छ । ज्योति गुरुङको शब्द रहेको उक्त गीत

हरेक वर्ष जुलाई २९ तारिख अर्थात् आजका दिन विश्व बाघ दिवस मनाइन्छ । यस वर्ष ‘बाघको अस्तित्व ः मानवको दायित्व’