घट्दै संक्रमित, एकैदिन ९ हजार ८४१ जनाले जिते कोरोना
नेपालमा एकैदिन ९ हजार ८ सय ४१ जना कोरोना संक्रमणमुक्त भएका छन् । यो सँगै कोरोना जित्नेको संख्या ४ लाख २८ हजार ६ सय ७० पुगेको छ ।
यसैगरी पछिल्लो २४ घन्टामा थप ६ हजार ९ सय ५१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यसमध्ये काठमाडौं उपत्यकामा २ हजार ३ सय २४ जना संक्रमित थपिएका छन् ।
आज ९६ जना कोरोना संक्रमितको निधन भएको छ । यो सँगै नेपालमा कोरोना संक्रमणबाट मृत्यु हुनेको संख्या ७ हजार ४७ पुगेको छ ।
नेपालमा हाल १ लाख १३ हजार ३ सय ९४ जना संक्रिय संक्रमित छन् । जसमध्ये १ लाख ५ हजार ४ सय ४४ जना होम आइसोलेसनमा छन् भने ७ हजार ९ सय ५० जना संस्थागत आइसोलेसनमा छन् ।
त्यस्तै, १ हजार ६ सय २७ संक्रमितको आईसियूमा उपचार भइरहेको छ । जसमध्ये ४ सय ५० जना भेन्टिलेटरमा रहेको मन्त्रालयले जनाएको छ ।
पछिल्लो २४ घन्टामा २० हजार १ सय १० नमूना परीक्षण भएको थियो ।
