मधुमेहका बिरामी घरमै कसरी सुरक्षित हुने ?
मधुमेहलाई चिनी वा सुगर रोग भनेर चिनिन्छ । रगतमा चिनीको मात्रा आवश्यकभन्दा बढी भएमा यो रोग देखापर्छ । मानिसको खानपान र रहनसहनको कारणले यो रोगको समस्या देखिनुका साथै कसै–कसैमा वंशानुगत पनि हुन्छ । यो सरुवा रोग होइन । निषेधाज्ञामा यो रोगका बिरामीले घरमै कसरी सुरक्षित हुन सक्छन ? त्यसका लागि मधुमेह रोग विशेषज्ञ डा. ज्योति भट्टाईकोे सुझाव यस्तो छ:
– एकदम बुझेर दैनिक पौष्टिक आहार सन्तुलन गर्ने, माछा, मासु र खाना मिलाएर खाने । एकै पटक धेरै खाने वा खाना खाँदै नखाने नगर्ने ।
– सुगरलाई रेगुलर चेक गर्ने ।
– नियमित व्यायाम गर्ने, ठाउँ भए आँगनमा हिँडडुल गर्ने, ठाउँ नभए घर भित्रै युट्युबमा भिडियो हेरेर व्यायाम गर्ने ।
– दिनमा एक घण्टा शरीर स्फुर्तः हुने किसिमको व्यायाम गर्ने ।
– सुगरको सन्तुलन छैन भने फोनमै डाक्टरसँग परामर्श लिएर औषधिको डोज मिलाउने ।
