नेपालमा एकैदिन ५ हजार ७ सय ६७ जनाले जिते कोरोना
नेपालमा एकैदिन ५ हजार ७ सय ६७ जना कोरोना संक्रमण मुक्त भएका छन् । यो सँगै नेपालमा कोरोना मुक्त हुनेको संख्या ३ लाख ४५ हजार ५ सय २३ पुगेको छ । यो कुल संक्रमितको ७४.४३ प्रतिशत हो ।
पछिल्लो २४ घन्टामा ९ हजार २ सय ४७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । जसमध्ये काठमाडौं उपत्यकामा ३ हजार ९८ जना संक्रमित थपिएका छन् ।
थपिएका मध्ये काठमाडौंमा २ हजार ३ सय ४६, भक्तपुरमा २ सय ९८ र ललितपुरमा ४ सय ५४ जनामा संक्रमण पुष्टि भएको छ । यो सँगै नेपालमा कोरोना संक्रमण हुनेको संख्या ४ लाख ६४ हजार २ सय १८ पुगेको छ ।
यसैगरी पछिल्लो २४ घन्टामा २ सय १४ जनाको मृत्यु भएको छ । नेपालमा कोरोना संक्रमणबाट मृत्यु हुनेको संख्या ५ हजार २ सय १५ पुगेको छ ।
हाल नेपालमा १ लाख १३ हजार ४ सय ८० जना सक्रिय संक्रमित छन् । जसमध्ये १ लाख ६ हजार ५ सय १० जना होम आइसोलेसनमा र ६ हजार ९ सय ७० जना संस्थागत आइसोलेसनमा छन् ।
आज १ हजार २ सय ५९ जनाको आइसीयूमा उपचार भइरहेको छ । जसमध्ये ४ सय जना भेन्टिलेटरमा उपचाररत रहेको मन्त्रालयले जनाएको छ ।
