यसरी बनाउनुस् भान्टाको अचार
भान्टा हाम्रो भान्सामा तरकारीको रुपमा पाकिरहेको हुन्छ । तर, यसलाई अचार बनाएर पनि खान सकिन्छ । यसको अचारमा फरक स्वाद पाउन सकिन्छ । त्यसैले घरमै भान्टाको अचार कसरी बनाउने भन्ने बारे यहाँ चर्चा गरिएको छ ।
आवश्यक सामग्री
– आवश्यकता अनुसार भान्टा
– लसुन
– आवश्यक अनुसार खुर्सानी (सुकेको वा हरियो), तेल, नुन, बेसार, हरियो धनियाँ
– सिलौटा
बनाउने विधि
– भान्टामा सानो–सानोप्वाल पार्नुहोस् र पोल्नुहोस् ।
– छिल्का निकालेको लसुन र खुर्सानी तेलमा भुट्नुहोस् र बेसार राखेर निकाल्नुहोस् ।
– भुटेको लसुन, खुर्सानी, हरियो धनियाँ, स्वाद अनुसार नुन सिलौटामा पिस्नुहोस् ।
– पिसेको सामाग्रीमा पोलेको भान्टा पनि पिस्नुहोस् ।
– अब तयार भयो भान्टाको अचार यसलाई खानासँग खान सकिन्छ ।
