कुमारीको पर्खाइमा भक्तजन (तस्बिर कथा)
संसारकै उत्कृष्ट जात्रा मध्ये एक मानिएको इन्द्र जात्राको रौंनक हालै सकिएको छ । जात्रामा सहभागी अधिकांश यो अवसरमा जीवित देवी कुमारीको साक्षात अवलोकन हुने अभिलाषाले त्यहाँ पुगेका हुन्छन् । त्यसो त अरुबेला पनि साँझपख कुमारीघर वरपर भक्तजन र पर्यटकहरुको घुँइचो देखिनु सामान्य नै हो । इन्द्र जात्राकै दिन भने कुमारीको दर्शन पाउने लालसा मै मानिसहरु त्यहाँ पुग्ने गर्छन । तर उनको तस्विर खिच्न भने निषेध गरिएको हुन्छ । सोही अवसरमा कुमारीको दर्शनार्थ कुरेर बसेका भक्तजन एवं पर्यटकहरुको भावभंगी बरिष्ठ फोटो पत्रकार विकास रौनियारले आफ्नो क्यामरामा यसरी कैद गरेका छन् ।
तस्बिर : विकास रौनियार
