औषधिसँगै यी चिज नखानुहोस्

स्वस्थ रहन राम्रो जीवनशैली अपनाउनुपर्छ । योग र व्यायामसँगै पौष्टिक खानाको सेवनले पनि मानिसको स्वास्थ्यमा असर गर्छ । तर मौसमी रोग, संक्रमण, खानपान र खराब जीवनशैलीका कारण धेरै प्रकारका रोग लाग्न सक्छन् । बिरामी हुँदा डाक्टरकहाँ गएर उनको सल्लाहमा औषधि खान्छन् । तर, यदि तपाई औषधि सेवन गरेर मात्र स्वस्थ हुन सक्नुहुन्छ भन्ने सोच्नुहुन्छ भने तपाई गलत हुनुहुन्छ । कहिलेकाहीँ औषधिको साइड इफेक्ट हुन्छ। औषधिले पनि हानि पुर्याउन सक्छ। मानिसलाई औषधि सेवन गर्ने सही तरिका थाहा हुँदैन, यस्तो अवस्थामा औषधिले रोगलाई सन्चो गर्दैन, साथै साइड इफेक्ट पनि फरक–फरक हुन्छ । यस्तो अवस्थामा औषधि सेवन गर्दा केही सावधानी अपनाउनुपर्छ । जानौँ औषधिसँग कस्ता चिजहरू खानु हुँदैन ? अन्यथा साइड इफेक्ट हुन सक्छ।

इनर्जी ड्रिङ्क

कुनै रोगको औषधि खाँदा त्यससँग इनर्जी ड्रिङ्क नपिउनुहोस् । इनर्जी ड्रिङ्कसँगै औषधि सेवन गर्दा शरीरमा प्रतिकूल असर पर्न सक्छ। औषधि पग्लिन पनि धेरै समय लाग्छ।

रक्सी

धूम्रपान शरीरको लागि हानिकारक छ। औषधिसँगै मदिरा वा कुनै पनि नशालु पदार्थ सेवन गर्नु हुँदैन । यसले स्वास्थ्यमा नराम्रो असर मात्रै गर्दैन । दुवैको सँगै सेवन गर्दा कलेजोमा पनि धेरै नोक्सान हुन सक्छ । रक्सीको साथमा औषधि सेवन गर्दा कलेजोमा विभिन्न रोग लाग्ने जोखिम बढ्छ।

दुग्ध उत्पादन

अक्सर मानिसहरू दूधसँग औषधि सेवन गर्छन्। दूध स्वास्थ्यका लागि फाइदाजनक भए पनि यसले केही एन्टिबायोटिकको प्रभावलाई पनि कम गर्न सक्छ । दूधमा क्याल्सियम, म्याग्नेसियम, मिनरल्स र प्रोटिन पाइन्छ, जसलाई औषधिसँग मिसाउँदा औषधिको प्रभाव कम हुन्छ। चिकित्सकहरूका अनुसार एन्टिबायोटिकको साथमा दूध वा दुग्धजन्य पदार्थको सेवन गर्नु हुँदैन ।

पत्तेदार तरकारी

बिरामीलाई पोषण दिन हरियो सागसब्जीको सेवन गर्न सल्लाह दिइन्छ। तर, सागपातसँगै केही औषधि खाँदा औषधीको प्रभावमा बाधा पुग्छ। केल, ब्रोकाउली वा भिटामिन ‘के’ युक्त तरकारीहरूले औषधिको प्रभावमा हस्तक्षेप गर्न सक्छन्।

यो पनि…
कुन भिटामिनले कलेजो स्वस्थ राख्छ ?
मिर्गौला खराब हुने कारण