यसरी हटाउनुस माथिल्लो लिप पिग्मेन्टेसन
ओठको माथि र मुखको वरिपरि कालो रङले तपाईँको अनुहारको लुक बिगार्न सक्छ। यदि तपाईँको अनुहार चम्किलो छ र माथिल्लो ओठको छाला कालो छ भने अनुहार अनौठो देखिन थाल्छ । धेरै महिलाको ओठको माथिल्लो भागमा पसिना पनि बढी आउँछ, जसका कारण डार्कनेस पनि आउँछ ।
पिग्मेन्टेसन भनेको छालाको कालो दाग वा छालाको एक भागको रङ्ग अर्को भागको तुलनामा कालो हुनु हो। ओठलाई गुलाबी बनाउनका लागि मानिसहरू प्रायः उपायहरू अपनाउने गर्दछन् तर आज हामी तपाईँहरूलाई ओठको पिग्मेन्टेसन लाई हटाउने केही उपायहरू बताउने छौँ ।
पिग्मेन्टेसन भनेको के हो ?
पिग्मेन्टेसन भनेको छालाको कालो दाग वा छालाको एक भागको रङ्ग अर्को भागको तुलनामा कालो हुनु हो। यसको समयमै उपचार गर्न जरुरी छ । अन्यथा तिनीहरू समयसँग थप डार्कनेस हुन्छन्। तर यसका लागि पार्लर गएर महँगो खर्च गर्नु पर्दैन ।
कागती र चिनी सँग स्क्रब
ओठको माथिल्लो भागको कालोपन हटाउन कागती र चिनीको स्क्रब प्रयोग गर्न सक्नुहुन्छ। कागतीमा साइट्रिक एसिड गुण हुन्छ जसले छालाको कालोपनलाई कम गर्छ र चिनीले छालालाई मोइस्चराइज गर्छ।
यसरी प्रयोग गर्नुहोस् कागती र चिनी
यसका लागि एउटा कचौरामा आधा चम्चा चिनीमा आधा कागतीको रस मिसाएर माथिल्लो ओठको भागमा हल्का हातले २ देखि ३ मिनेटसम्म मसाज गर्नुपर्छ र त्यसपछि सफा पानीले धुनुपर्छ ।
आलुको रस
आलुको रसले प्राकृतिक ब्लिचको रूपमा काम गर्छ, त्यसैले यसलाई ओठको माथिल्लो भागबाट पिग्मेन्टेसन हटाउन प्रयोग गर्न सकिन्छ।
आलुको रस यसरी प्रयोग गर्नुहोस्
एउटा कचौरामा ताजा आलुको रस लिनुहोस् र कपासको मद्दतले माथिल्लो ओठमा लगाउनुहोस् र लगभग १५ मिनेट पछि चिसो पानीले अनुहार सफा गर्नुहोस्।
बेसार
बेसार सधैँ औषधीय गुणहरूको लागि परिचित छ र ओठको माथिल्लो भागमा कालो धब्बा हटाउन पनि प्रयोग गर्न सकिन्छ।
बेसार यसरी प्रयोग गर्नुहोस्
एक चम्चा ताजा टमाटरको रसमा एक चिम्टी बेसार मिलाउनुहोस्। अब यो पेस्ट प्रभावित क्षेत्रमा लगभग १० मिनेटको लागि लगाउनुहोस् र त्यसपछि यसलाई सादा पानीले धुनुहोस्।
सुन्तलाको बोक्रा
सुन्तलामा भिटामिन सी प्रचुर मात्रामा पाइन्छ । ओठको कालोपन हटाउन सुन्तलाको बोक्रा प्रभावकारी साबित हुन्छ ।
सुन्तलाको बोक्रा यसरी प्रयोग गर्नुहोस्
आधा चम्चा सुन्तलाको बोक्राको धूलो र आधा चम्चा दहीलाई एउटा कचौरामा मिलाएर यो पेस्टलाई माथिल्लो ओठमा लगाउने र १५ मिनेटपछि सुकेपछि चिसो पानीले अनुहार सफा गर्नुहोस् ।
यो पनि…
यस्तो छ सानो ओठलाई ठूलो देखाउने उपाय
सुत्नुअघि अपनाउनुहोस् यी ५ ब्युटी टिप्स
