नेपालमा उपलब्ध रहेका जिन्स ब्रान्डहरू

डेनिम
हाल नेपालमा सबैभन्दा लोकप्रिय मानिएको डेनिम ब्रान्डको स्किनी जिन्साले चर्चा बटुलिरहेको छ । यो जिन्सले महिला र पुरुष दुवैको नजर तानेको छ । दुब्लो वा पातलो सबैको शरीरमा फिट हुने स्किनी जिन्स अहिले नलगाउने कमै देखिन्छन् । खासगरी, टिनेजहरूको आकर्षण बनेको डेनिमको स्किनी पेन्ट सुहाएको पनि देखिन्छ । आकाशे, पिंक, कालो, नीलो र खैरो रंगमा डेनिमका स्किनी पेन्ट हाल बजारमा पाइन्छन् । अझ डेनिम ब्रान्डमा पनि विभिन्न भेराइटी छन् । उक्त भेराइटी नेपालमा सहजै पाइन्छन् ।

बुट कट
झवाट्ट हेर्दा पुरानो बलिउड तथा कलिउड फेसनका कलाकारले लगाउने पहिरन जस्तो देखिने बुट कट जिन्स स्टाइल नेपालमा चलेको पहिरनमा पर्छ । महिला तथा पुरुष दुवैले लगाउन मिल्ने यो बुट कट ब्रान्डको जिन्स आइटमले नेपाली फेसन गर्माएको पनि छ । बुट कट ब्रान्डमा पनि विशेष गरी कालो रंगको जिन्स पहिरनमा मानिसहरूको आकर्षण बढ्दो छ ।

लेभिस
लेभिस क्लासिक अमेरिकन स्टाइल हो । बजारमा भित्रिएदेखि यसले कहिले फर्किएर हेर्नु परेन । उच्चकोटीको ब्रान्डका नामले परिचित लेभिस नेपालको बजारमा भित्रिएपछि यसमा फेसन पारखीको माग ह्वात्त बढ्यो । २ हजार ५ सयदेखि ९ हजारसम्म पर्ने लेभिस ब्रान्डका जिन्स लगाउँदा आरामदायी त छदैँ छ, यसका साथै आकर्षक लुक्स दिने लेभिस सबैको रोजाइमा पर्न सफल पनि भएको छ ।

स्लिम एन्ड लिफ्ट
अमेरिकी बजारमा अति लोकप्रिय हुन सफल स्लिम एन्ड लिफ्ट ब्रान्डका जिन्स पहिरने अमेरिकन र युरोपियन मुलुकमा जस्तो नेपालमा पनि रुचाइन थालेको छ । केही वर्षअघि मात्र नेपालमा भित्रिएको स्लिम एन्ड लिफ्ट ब्रान्डका जिन्स पहिरनको माग अहिले निकै बढेको छ । यो जिन्सको कम्पनी क्यानाडामा छ भने यसको डिजाइन भने अमेरिकामा नै गरिएको भए पनि नेपालमा अहिले स्लिम एन्ड लिफ्टको माग चुलि“दै गएको छ । स्टाइलिस्ट देखिने र सेक्सी लुक्स झल्कन्छ ।