केन्याविरुद्ध नेपालको क्लिनस्विप
नेपालले घरेलु टोली केन्याविरुद्धको तीन खेलको एकदिवसीय सिरिज क्लिन स्विप गरेको छ । सोमबार भएको अन्तिम खेलमा ६ विकेटको जित नियकालेर नेपालले क्लिन स्विप गरेको हो ।
केन्याले नेपाललाई २५६ रनको लक्ष्य दिएको थियो । नेपालले ४७ ओभर १ बलमा मात्र ४ विकेट गुमाएर उक्त लक्ष्य पूरा गरेको थियो ।
नेपालको जितमा अर्जुन साउद, आसिफ शेख र वसिर अहमदले अर्धशतकीय इनिङ खेले। अर्जुनले ५८ तथा आसिफले ५६ रन बनाए । वसिर ५२ रनमा अविजित रहे । यस्तै कप्तान रोहित पौडेलले अविजित रहदै ४६ रन बनाए। ज्ञानेन्द्र मल्ल ३३ रनमा आउट हुँदा देव खनाल एक रनमा आउट भए ।
केन्याका भिराज पटेलले २ तथा शेम एनगोचे र याश तालातीले १र१ विकेट लिएका थिए। टस जितेर पहिले ब्याटिङ गरेको केन्याले ५० ओभरमा ९ विकेट गुमाएर २ सय ५५ रन बनाएको थियो ।
केन्याका लागि कोलिन्स अबुयाले ८४ रन जोडे। लुकास एनडानडासन ५९ रन, सुखदिप सिंहले ३७ रन जोड्दा इमानुएल बुन्डीले २३ रन बनाए । कप्तान शेम एनगोचेले १७ रनमा आउट भएका थिए। नेपालका सोमपाल कामी र आदील अन्सारीले २र२ विकेट लिएका थिए । वसिर अहमद र शाहब आलमले १–१ विकेट लिए ।
केन्याविरुद्धका दुवै सिरिजमा नेपाल विजयी भएको छ । नेपालले यसअघि पाँच खेलको टीट्वान्टी अन्तराष्ट्रिय सिरिज पनि नेपालले जितेको थियो । यसमा तीन खेल जितेको नेपाल दुई खेलमा भने पराजित भएको थियो ।
पनि…
महिला टी–२० च्याम्पियनसिप : नेपालको विजयी सुरुवात
अन्तिम खेलमा नेपालले मलेसियालाई हरायो
