झुम्काले कानको लोती दुखाउछ, यसो गर्नुहोस्

विवाह भोज वा अन्य कुनै पार्टी मै किन नहोस् महिलाहरु सधै बिशेष सजधजका साथ जान रुचाउछन् । यस्तो किसिमको समारोहमा महिलाहरुले बिशेषत हेभी झुम्का लगाउनै रुचाउछन् ।

झुम्काले महिलाको सुन्दरतालाई थप अर्कषक बनाउँछ । तर लामो समयसम्म हेभी झुम्का लगाउँदा महिलाको कानको लोती दुख्ने समस्या देखिन्छ भने कसै–कसैको कानको लोतीमा घाउँ पनि हुन्छ ।
यस्तो समस्याको कारण कानमा झुम्का लगाउन झन्झट लाग्छ भने यी कुरामा ध्यान दिनुहोस् र समस्याबाट मुक्त हुनुहोस् ।

क्रिम वा तेल लगाउनुहोस्

हेभी झुम्का लगाउनु भन्दा पहिला कानमा क्रिम वा तेल लगाउनुहोस् । यसले तपाईको कानको लोतीको छालालाई नरम बनाउँछ । यसरीे झुम्का लगाउँदा तपाईको कानको दुखाई कम हुन्छ ।

लगातार झुम्का नलगाउने

लगतार पार्टी वा कुनै समारोह सहभागी भैरहनु पर्ने अवस्था छ भने हेभी झुम्का लगातार नलगाउनु नै राम्रो हुन्छ । यस्तो समारोह लगातार भैरहन्छ भने हलुका किसिमको इयररिङ लगाउदा कानको लोतीमा दुखाई कम हुन्छ ।

हेभी झुम्का नलगाउने

कुनै समारोहमा लामो समय विताउनु पर्छ भने यस्तो अवस्थामा हेभी झुम्का नलगाउनु नै राम्रो हुन्छ । यदी पार्टीमा फोटो खिचाउँनु पर्ने अवस्था आयो भने फोटो खिच्ने बेलामा हेभी झुम्का लगाएर फोटो खिच्न सक्नुहुन्छ । त्यसपछि हेभी झुम्कालाई खोलेर हलुंगो किसिमको झुम्का लगाउनु राम्रो हुन्छ ।

झुम्कामा सिक्रिको प्रयोग

हेभी झुम्का लगाउदा कानको लोती दुख्छ भने झुक्कालाई सहारा दिन सिक्रिको प्रयोग गर्न पनि सकिन्छ । झुम्कामा सिक्रि भयो भने झुम्काको भार कानको लोतीलाई मात्र पर्दैन । यसले कानको लोती दुखाईलाई कम गर्छ ।