क्यानडाका सांसदको बेइज्जत
क्यानडामा एक सांसदको आफ्नै कारणले बेइज्जत भएको छ । त्यहाँ जूम कन्फ्रेन्स मीटिङमा एक सांसद बिना कपडा देखिएका छन् । उनले आफ्नो प्राइभेट पार्ट भने मोबाइलले ढाक्न भ्याएका थिए । उनको यो हर्कतले क्यानडामा उनको चर्को निन्दा भइरहेको छ। त्यहाँकी महिला सांसदले यो घटनालाई क्षमायोग्य नभएको बताएकी छन् ।
क्यानडाका क्यूबेक सांसद विलियम अमोस (४६) सत्ताधारी लिबरल पार्टीका सांसद हुन् । त्यहाँका प्रधानमन्त्री जस्टिन ट्रुडो पनि यहि पार्टीका हुन् । यो घटनामा उनले हालसम्म कुनै प्रतिक्रिया दिएका छैनन् ।
यो घटना जूमबाट भर्चुअल प्रश्नोत्तर भइरहेका बेला भएको थियो । जब उनको क्यामेरा अन भयो तब सांसद विलियम अमोस कपडा बिनै देखिए । त्यसपछि सबै सांसद अचम्मित भए ।
